புலம்பல்கள்

Reduce Reuse Recycle

2009-04-03T10:32:00.000-07:00

Rarindra Prakarsa பற்றி இதற்கு முன் உங்களுத் தெரியாதெனில் இங்கே அவரின் படங்களை பார்த்து அதிசியத்துக் கொள்ளலாம்.
கடந்த ஒரு மணி நேரத்துக்கும் மேல் அவரின் பல படங்களை ஒன்றாக வைத்து பார்த்துக் கொண்டு இருந்தப் போது, இந்தப் படங்களில் ஒரு ஒற்றுமை தெரிந்தது.

கண்டுப்பிடித்து விட்டீர்களா ?

Reduce Reuse and Recycle :)

Sarah Palin - பிகினி. - PhotoShop

2008-09-11T12:06:00.000-07:00

அமெரிக்க கொடி பிகினி உடையோடு, துப்பாக்கியை உயர்த்திக் காட்டும் இந்தப் படத்தை, யாரேனும், மின்னஞ்சலில் அனுப்பி இருக்கக்கூடும். நீண்ட நாள் NRA உறுப்பினர், Hockey Mom படம் உணமைதான் போலும் என்று முதலில் நினைத்தேன்.

கொஞ்சம் தேடிப் பார்த்ததில் படத்தின் மூலம் இது என்று தெரிந்தது.

ஏனோ பிரிதீபா பாடில் துப்பாக்கியுடன் இருக்கு இந்தப் படம் நினைவுக்கு வந்துத் தொலைக்கிறது.

டிஸ்கி:
இதில் எந்த அரசியல் உள்நோக்கும் இல்லை !
எனக்கு இன்னும் ஒட்டு போடும் வயது வரவில்லை !!
இது போட்டோஷாபின் அருமை/பெருமைகளை உணர்த்த மட்டுமே !!!

விளக்கு விளக்கமாய் விளக்கு !

2008-02-23T15:58:00.000-08:00

விளக்கு விளக்கமாய் விளக்கு !

இப்ப்படத்தின் பிண்ணனி கருப்பு என்று கண்டுபிடித்தீர்களா ?

* கருப்பு நிற மேசை மேல் தண்ணீர் பாட்டில்

* பின்னால் இருக்கும் வெள்ளை சுவற்றை நோக்கி மஞ்சள் நிற விளக்கு. சுவற்றில் பட்டு பிரதிபலிக்கும் மஞ்சள் ஒளி கருப்பு மேசையில் பரவலாக படுகிறது.

* மேசைக்கும் சுவற்றுக்கும் 4 அல்லது 5 அடி தூரம்

* கேமரா பாட்டிலுக்கு முன்னால் கொஞ்சம் மேலே

* ஒரு வெள்ளை நிற விளக்கு கேமராவுக்கு கொஞ்சம் மேலே

அவ்வளவுதான் செய்முறை.

சரி இப்போது ஏன் மேசை கருப்பாக இல்லாமல் மஞ்சளாக படத்தில் வருகிறது என்பது தான் கணக்கு !

மேசை கருப்பாக இருப்பதால் வேற எந்த நிறத்தையும் அதுவாக கொண்டு இருக்காமல், வெறும் சுவற்றில் இருந்து வரும் மஞ்சள் ஒளியை மட்டும் வெளிப்படுத்துகிறது.

கேமராவுக்கு மேலே இருக்கும் விளக்கு . பாட்டிலின் மீது மட்டும் படுமாறு வைத்து இருப்பதால், அது கருப்பு மேசையை முழுமையாக ஒளியேற்றுவதில்லை. வெறும் பாட்டிலை மட்டும் வெளிச்சப்படுத்துகிறது. மேசையின் கருப்பு நிறம் இந்த விளக்கால் பட்த்தில் தெரியப்போவதில்லை.

அவ்வளவுத்தான் விஷயம்.

Post Production, computer Graphics & சில

2007-11-15T12:44:00.001-08:00

இந்த படத்தை பாருங்கள்.

நன்றாக இருக்கிறதா ?

கவனிக்க வேண்டிய விஷயம் மூன்று இருக்கிறது. நீர் விழுவதை தெளிவாகக் காட்ட கொஞ்சம் பெரிய exposure/shutter அளவு தேவை. அதே சமயம் ஈபில் டவர் வெளிறிப் போகாமல் இருக்க அதை விட கொஞ்சம் சிறிய exposure/shutter தேவை. வானத்தில் இருக்கும் நிலவு வெறும் வெள்ளை வட்டமாக மட்டும் இல்லாமல் இருக்க இந்த இரண்டையும் விட அதிக exposure/shutter தேவை. இந்த முன்று exposure களையும் ஒரே கிளிக்கில் எடுக்கமுடியாது. உங்களிடம் எந்த நவீன ,விலை உயர்ந்த கேமரா இருந்தாலும்.

சரி,, வெறும் கண்ணால் பார்க்கும்போது நம்மால் இந்த மூன்று பகுதிகளையும் அழகாக உணர முடிவதை எப்படி புகைப்படத்தில் கொண்டு வருவது ?

ஒரு எளிய வழி ஒவ்வொரு பகுதிக்கும் தனித்தனி exposure செய்து பின்னர் இணைக்கலாம்.
இது வெறும் computer Graphics, வெட்டி ஒட்டும் வேலை என்ற கருத்தும் இருக்கிறது.

பிறசேர்க்கையே செய்யக்கூடாது என்று ஒரு கூட்டம் கருதுகிறது. கொஞ்சம் செய்யலாம் ( contrast , brightness, கட்டம் போடுவது ) என்று ஒரு கூட்டம். மூன்றாவது கூட்டம் படம் அழகாகத் தெரிய என்ன வேண்டுமானலும் செய்யலாம். ( இல்லாத மேகத்தையும் சேர்க்கலாம் ) என்பது.

மூன்றுக்கும் அதிக வித்தியாசமில்லை. எந்த டிஜிடல் கேமராவில் எடுத்த படமும் கேமராவால் நிறைய முற்சேர்க்கை செய்யப்பட்ட பிறகே வெளி வருகிறது ( நீங்கள் "raw" முறையில் படம் எடுக்காத வரையில் ). இதில் கொஞ்சம் என்ன, நிறைய என்ன என்பது நமது அளவுகோலில்தான்.

பிறசேர்க்கை முறைகள் , வெட்டி ஒட்டுவது என்பது ஏதோ பாவச் செயல் போலவும் நிறைய இடங்களில் பின்னூட்டங்களை படித்து இருக்கிறேன்.. இது என்னவோ புதிதாய் வந்த முறைகள் இல்லை. காலம்காலமாய் செய்யப்பட்டு வருவதே. என்ன முன்னர் கொஞ்சம் காசு , நிறைய நேரம் செலவழித்து சொந்த ஸ்டுடியோ போட்டு dark room-ல் செய்ய வேண்டு இருந்து இருக்கும். இப்ப GIMP-ல் ஐந்து பத்து நிமிடத்தில் செய்து விடலாம்.

தலைவர் கவுண்டமணி ஒருபடத்தில் சொல்வது போல

கோழி குருடா இருந்தா என்ன , செவிடா இருந்தா என்ன, குழம்பு ருசியாய் இருந்தா சரிதான் !!

இண்ட்ர்போலும் போட்டோஷாப்பும்

2007-10-09T13:01:00.000-07:00

இண்டர்போலின்(Interpol) இந்த செய்தியை படித்து இருப்பீர்கள். சிறார்களை பாலியல பலாத்காரம் செய்த குற்றத்திற்காக இந்த மனிதர் தேடப்பட்டு வருவதை. இந்த குற்றங்களை புகைபடமாக எடுத்து இணையத்தில் கடந்த சில வருடங்களாக வலம் வந்து கொண்டு இருக்கின்றன. குற்றவாளியின் முகத்தை மறைத்து இந்த படங்கள் வலையேற்றப்பட்டு இருக்கின்றன. ஆனால் குற்றவியல் போலிஸார் , இந்த மறைக்கப்பட்ட முகத்தை கண்டறிந்து இருக்கிறார்கள்.
இவ்வாறு கண்டறிவது எவ்வளவு கடினமா என்று முயற்சி செய்துப்பார்த்ததில்
, அவ்வளவு கடினமான செயலாகத் தெரியவில்லை.

இது போட்டஷாபின், twril என்கிற fitler மூலம் முகத்தை மறைக்க முயன்று இருக்கலாம் என்று நம்பப்படுகிறது. கொஞ்சம் முயற்சி செய்தால் எளிதாக கண்டுபிடிக்கலாம் போலத்தான் இருக்கிறது.

உதாரணதிற்காக சூப்பர் ஸ்டாரின் படத்தை மாற்ற முடியுமா என்று முயன்றதில்

ஒரிஜினல்

முகத்தை மறைத்தப்பின்

முகத்தை மறைக்க twril

மீண்டும் முகத்தைப் பெற

வாட்சிங்க் எடுத்த விதம்

2007-07-21T15:14:00.000-07:00

வாட்சிங்க் எடுத்த விதம்

செலவே இல்லாமல் வீட்டில் இருக்கும் பொருட்களை கொண்டு $0 செலவில் சின்ன ஸ்டுடியோ அமைக்க முடியுமா என்ற முயற்சியில் எடுத்தப் படம் தான் இந்த வாட்ச் படம்.

எடுத்த ஸ்டுடியோ பார்க்க வேண்டுமா ? இதுதான் அது !!!

தேவையான பொருட்கள்.

1. நல்ல நேரடியான வெளிச்சம் வரதா ஜன்னல். ( வடக்கு நோக்கி இருக்கும் ஜன்னல் உத்தமம் ). வடக்கு பார்க்காத ஜன்னல் இல்லாவிட்டாலும் பரவாயில்லை. மெல்லிய திரை போட்டு மூடிக் கொள்ளலாம்.

2. சலவைக் கூடை.

3. மெல்லிய ஃபாஸ்டிக். குப்பை கூடைக்கும் போடும் இந்த மாதிரியான கவர் கூடப் போதும்.

4. வெள்ளைப் பேப்பர். பின்னணித் திரைக்கு.

அவ்வளவுத்தான். கூடைக்குள் ஃப்ளாஸ்டிக் கவரை மூடி, வெள்ளை பேப்பரை உள்ளே வைத்து படம் எடுக்க வேண்டியதுதான்.

எங்கேயோ கேட்டப் பாடல்

2007-07-16T17:12:00.000-07:00

எங்கேயோ கேட்டப் பாடல்

சமீபத்தில்தான் இந்தப் பாடலை கேட்க நேர்ந்தது.

இந்த கருப்பான கையாலே ( தாமிரபரணி, யுவன் சங்கர் ராஜா) பாடல்

இதில் இருந்து சுடப் பட்டதா ?

கற்பூர நாயகியே கனகவல்லி ( LR ஈஸ்வரி. தாயே கருமாரி ? )

யுவன் கொஞ்சம் அதிகமாவே உணர்சிவசப் பட்டு விட்டாரோ ?

புகைப்படக் கலைஞர் 1 Nick Brandt

2007-05-07T16:45:00.000-07:00

என்னை கவர்ந்த புகைப்படக் கலைஞர் 1 - Nick Brandt

மைக்கல் ஜாக்ஸ்னின் பாடல்களுக்கு திரை வடிவம் கொடுக்கும் இயக்குனாராக இருந்த Nick brandt இப்போது முழு நேர புகைப்படக் கலைஞர் ஆகிவிட்டார். முதலில் இவரை பற்றி அறிய உதவியது இவரின் On this earth புத்தகம்.

ஆப்பிரிக வனவிலங்குகளை அவைகளின் இருப்பிடங்களிலேயே புகைப்படங்கள் எடுப்பது இவரின் சிறப்பு அம்சம். Telephoto லென்ஸ் உபயோகப்படுத்தாமல் எடுக்கப்பட்ட புகைப்படங்கள் இவை என்பதில் இருந்தே எவ்வளவு அருகில் இருந்து இந்த படங்களை அவர் எடுத்து இருக்கவேண்டும் என்று தெரியவரும்.

இந்த புகைப்படங்கள் எந்த கேமராக் கொண்டு எந்த வகை லென்ஸ்கள் உபயோகப்படுத்தி அல்லது எந்த அளவிற்கு photoshop பயன்படுத்தி எடுக்கப் படுகின்றன என்பது பற்றி நிறைய கருத்துக்கள் இருப்பினும் இந்த படங்கள் ஒவ்வொன்றும் அருமையான, ஆப்பிரிக்காவின் அழியும் இயற்கை வளத்தை பற்றிய மெல்லிய சோகம் கொண்டப் படங்கள் என்பதில் மாற்று கருத்து ஏதும் இல்லை.

All copyright of the images belong to Nick Brandt !

paparazzi

2007-02-16T21:52:00.000-08:00

இது போல் வெளிநாடுகளில் படம் எடுக்கமுடியுமா ?

2007- World Press awards

2007-02-12T15:22:00.000-08:00

2007 ஆண்டுக்கான விருதுகள் அறிவிக்கப்பட்டுள்ளன.

வெற்றிப் பெற்ற அனைத்துப் படங்களையும் இங்கு பார்க்கலாம்.

Portrait பிரிவில் முதலிடம் பெற்ற படம் இது. போரைவிட காதல் பெரியது !!!

(c)Nina Berman

Getty images.கெட்டி ??

2007-01-08T13:36:00.000-08:00

இணையத்திலிருந்து படம் தேடி போட்டு இருக்கிறீர்களா ? அப்படி என்றால் இதை கட்டாயம படிக்கவும்.

ஏதோ கூகுளுக்குப் போனோமா , image search போட்டோமா, நமக்கு பிடித்த படத்தை வலைப்பூவில ஏற்றினோமா என்று இது வரை நீங்கள் செய்து இருந்தால், முதலில் உங்களுக்கு சொந்தமாகத படங்கள் Getty images சேர்ந்தப் படங்களா என்று உறுதிச் செய்துக் கொள்ளுங்கள், உடனடியாக எடுத்து விடுங்கள்.

அனுமதிப்பெறாத ஒவ்வொருப் படங்களுக்கும் $1000 கேட்டு Getty images கடிதம் அனுப்பி வருகிறது.

கவனம்.

மேலதிக விவரங்களுக்கு

f-16

2006-08-07T14:22:00.000-07:00

இது போர் விமானம் பற்றியது அல்ல. லைட் மீட்டர் இல்லாமல் சரியான அபெர்சர்( Aperture), ஷட்டர் ஸ்பீட் (Shutter Speed ) கண்டுபிடிக்க ஒரு எளிய விதி.

ஞாயபகம் வைத்துக் கொள்வது மிக எளிது. விதி இதுதான்.

நல்ல பகல் வெளிச்சத்தில்
அபெர்சர் f/16 வைத்தால், ஷட்டர் ஸ்பீட் = 1/ISO .

உதாரணத்திற்கு,
நீங்கள் உபயோகிக்கும் ISO 200 வைத்துக் கொண்டால் ஷட்டர் ஸ்பீட் 1/200 அபெர்சர் f/16 . அவ்வளவுதான்.

வெளிச்சத்தின் அளவு குறைய ISO அதிகரிக்கும். ISO 100 நல்ல பகல் வெளிச்சதிற்கு, ISO 1600 வீட்டுக்குள் குறைந்த வெளிச்சதிற்கு.

இந்த f/16 விதியை கொஞ்சம் நீட்டினால் மற்ற கால நிலைகளுக்கும் சரியான அபெர்சர் ஷட்டர் ஸ்பீட் பெறலாம். கீழே உள்ள பட்டியல் மூலம்.

மேக மூட்டத்துடன் கூடிய வானம் f/11
அதிக மேகமூட்டம் f/8
நிழல் f/5.6

முயற்சி செய்துப்ப் பாருங்கள். உங்கள் கேமராவும் இந்த முறையில் தான் கணக்கிடும்.

எவ்வளவு நாள்தான் கேமராதரும் எண்களையே நம்புவது :-)

சம்திங்க் Samething

2006-08-07T09:59:00.000-07:00

சல்மான் கான் - ரவி
பாக்யஷிரீ - திரிஷா
அலோக் நாத் - பிரபு
புறா - குதிரை

பெர்வீன் தஸ்டூர் - தேஜாஷிரீ
சொந்த வேலை - விவசாயம்

பாசக்கார அப்பாவை , அண்ணனாக்கி , அம்மாவை வில்லியாக்கி,, அண்ணன் தங்கை பாசத்தை கொஞ்சம் மசாலாவாக்கி, கொஞ்சம் பாக்கியராஜை சேர்த்து கலக்கி வைத்தாலும் , சம்திங் சம்திங், THE SAMETHING SAMETHING .

வேகாத வெயிலில் இந்தி தெரிந்தும் தெரியாமலும், சங்கம் தியேட்டரில் ரெண்டு ரூபாய் கொடுத்து பார்த்த பாக்யஷிரீ இன்னும் கண்ணிலேயே நிற்கிறார். ரெண்டு டாலர் கொடுத்துப் பார்த்த DVD க்கு ஒழுங்காய்
ஒரு பர்க்கர் தின்று இருக்கலாம்.

(ஜெயம் ரவி , சல்மான் படங்கள் வேண்டுவோர் . நீங்களாகவே, குகூளிக்கவும் ! )

3 விதி

2006-07-28T15:05:00.000-07:00

புகைப் பட வகுப்புகளில் முதலில் சொல்லிக் கொடுக்கப் படும் எளிய விதி இதுதான். படத்தை ஒன்பது சதுரங்களாக பிரித்துக் கொள்ள வேண்டும். நீளக் கோடுகளும், அகலக் கோடுகளும் சந்திக்கும் நான்குப் புள்ளிகளும் தான் படத்தில் நம் கண்களைக் கவரும் இடங்கள்.

படத்தில் நீங்கள் காட்ட விரும்பும் , முக்கிய விஷ்யத்தை இந்த நான்குப் புள்ளிகளின் ஏதேனும் ஒன்றில் இருக்க்மாறு செய்ய வேண்டும்.

பொதுவாக படத்தின் மத்தியில் முக்கிய காட்சி இருக்குமாறு எடுப்பதை விட இந்த முறை நல்லது. நம் கண்கள் படத்தின் மத்திக்கு செல்வதைவிட இந்த புள்ளிகளுக்குத்தான் முதலில் செல்லும்.

சில எடுத்துக் காட்டுகள்.

நீல வானம் சில குறிப்புகள்

2006-07-05T09:24:00.000-07:00

நீல வானம் சில குறிப்புகள்

இந்த இரண்டு படங்களில் வானத்தின் வண்ணம் வேறு பட்டு இருப்பத்தின் காரணம் ? இரண்டு படங்களுமே , காலை வேளையில் எடுக்ப்பட்டவை .

வானம் பின்புறமாக வைத்து எடுக்கப்படும் இயறகைக் காட்சிப் படங்களில் , வானம் நீல நிற்மாக இல்லாமல் வெளிறி வெள்ளை அல்லது பழுப்பு வண்ணத்தில் வருவதைப் பார்த்த்து இருப்பீர்கள்.

நீல வண்ணம் வர சில வழிகள்

1. வானத்திற்கு ஏற்ற exposure செய்து ஒருப் படமும், முன்னால் இருப்பவற்கு ஏற்ற exposure செய்து இன்னொருப் படமும் எடுத்து இரண்டையும் இணைக்கலாம.

2. ND filter, Circular Polariser

3. மிக எளிய வழி. சூரிய்ன் இருக்கும் திசையில் இருந்து 90 o வானத்தை எடுப்பது.

படம் காட்டும் பதிவுகள்- 2

2006-06-27T14:49:00.000-07:00

பரணி மட்டுமே தொடர்ந்து செய்துக் கொண்டு இருந்த படம் காட்டும் பதிவுகள் இபோது அதிக அளவில் பெருகி இருப்பது பார்க்க மகிழ்ச்சியாய் இருக்கிறது.

படங்களை பகிந்துக் கொள்ள flickr போன்ற தளங்கள் இருக்கும் போது தமிழில் படம் காட்டுவது தேவையா என்ற கேள்வி ஏற்கனவே கேட்கப் பட்டாலும் நல்லப் படங்களுக்கு மொழி எதற்கு !

எத்தனை பொருந்தும் Cliches இங்கு இருக்கும் படம் காட்டும் பதிவுகளுக்கு ?

V for Vendetta

2006-03-13T11:07:00.000-08:00

பார்த்துட்டேன் !. பார்த்துட்டேன். !!

ஏற்கனவே இந்த கதையை ( !? ) படிச்சு இருந்தாலும் தங்கத் தலைவி Natalie Portman க்காக இந்த படத்தை காசு கொடுத்தாவது பார்க்க வேண்டும் என்று நினைத்துக் கொண்டு இருக்கையில், advanced screening க்கு போகும் வாய்ப்புக் கிடைத்தது நெட்டில் கிரிக்கெட் ஒசியாய் லைவ்வாய் பார்க்கும் சந்தோஷ்ம் தான் ( ·ப்ரியாய் கிடைச்சா ... ).

படம் இந்த வெள்ளிக்கிழமை வெளிவருகிறது.

முழுக்கதையும் நான் சொல்லப்போவதில்லை. சர்வாதிகார அரசை எதிர்க்கும் முகமூடி அணிந்த super (anti) hero கதை என்றாலும், ஏகப்பட்ட உள்/வெளிக் குத்துக்கள் படத்தில் இருக்கின்றன. எண்பதுகளில் இங்கிலாந்தின் அரசியல் சமாச்சாங்கள் கொஞ்சம் தெரிந்துக் கொண்டு படம் பார்த்தால், நிறைய குத்துக்கள் புரியும்.

Natalie யின் மிகப் பெரிய ரசிகன் நான். (Star wars படங்களில் அவரின் பாத்திரத்தையும் சேர்த்து ) கூடிய விரைவில் ஆஸ்கர் வாங்கப் போகிறார் என்று எல்லாப் பட்சிகளும் சொல்கின்றன. ( போன வாரம் SNL லில் கலக்கியத்தை பார்த்தீர்களா ? ). மொட்டை போட்டு இருந்தாலும் தலைவி கலக்கல்தான் !!

V யின் குரலும் நடாலியின் நடிப்பும் படத்திற்கு மிகப் பெரிய ப்ளஸ். மேற்றிக்ஸ் படங்களின் டைரக்டர்களும் அவரின் ஸிஷ்யரும் இந்த படத்தின் பின்னணியில் இருந்தாலும் special effects ல் நிறையவே அடக்கி வாசித்து இருக்கிறார்கள்.

V for Victory !

சபாசு சபாசு

2006-01-29T09:53:00.000-08:00

சபாசு! சபாசு!!

கிங்காக் கு ஆஸ்கர் விருது ?

2006-01-20T09:14:00.000-08:00

கிங்காக் கு ஆஸ்கர் விருது ?

இப்படி இருந்தால் கிடைத்து இருக்குமோ என்னவோ ?

பிரிட்டினி ஸ்பெயர்ஸ¤ம் நானும்

2006-01-17T16:14:00.000-08:00

போன சனிக்கிழமை ஜோரா மழை பெய்துகினு இஞ்ச்சா, அதனால், ஞாயித்துகிழமை நம்ம மாலிபு கோயிலாண்ட போனாக்கா, ஒரே ஜனமோ ஜனம். இன்னாடா இது, நம்ம அம்மா தீடீரினுன்னு தமிழ்நாட்டில இருந்து ஏதாவது ஸ்பெஷல் யாகம் பண்ணா வந்துகீதான்னு கிட்ட போயி பார்த்தா, வந்துகிறது ஹாலிவுட் அம்மனு.

அதாம்பா, நம்ம அந்த காலத்து கனவுக்கன்னி இரட்டை ஜடை எல்லாம் போட்டுகுனு ஸ்கூல டேன்ஸ் ஆடுமே, பிரிட்டினி ஸ்பியர்ஸ் அது குழந்தைக்கு ஏதோ பூஜை பண்ண கூட்டியாந்துகிது. ஊர்ல இக்கிற அத்தன பாப்பராஜிக்களும் ரவுண்டு கட்டிகினு போட்டாவா எடுத்து தள்ளறானுங்க. உள்ளே போகவே வழியே காணோம்.

ஏதோ நானும் நம்ம பங்குக்கு ரெண்டு மூனு போட்டா கிளிக்கினு வந்தேன். குழந்தை நல்லா கொழுக் முழுக்குனு இருக்கிது. குடிக்கார K- FED அப்பனே மட்டும் தொரத்திட்டா போதும் . குழந்தைக்கும் நல்லது, அம்மாவுக்கும் நல்லது அப்படின்னு குப்பதுல எல்லாம் பேசிக்கிறாங்க..

Hit me baby one more time...........

இரவு

2006-01-13T10:10:00.000-08:00

இரவு

குளிர்ந்த படுக்கையை
விழுங்கிக் கொண்டு இருக்கிறது
போர்த்தாத போர்வை.

கறுத்த இரவுக்கு வெள்ளை அடிக்கும்
நிலவு.

முகம் திருப்பி முதுகு காட்டும்
அவளுக்கும் எனக்கும் இடையில்
நிம்மதியாய் உறங்குகிறது
கனத்த மெளனம்.

காற்றில் அசையும் தலைமுடியில்
சிக்கிக் கிடக்கிறது
கோபம்.

வராத தூக்கத்தில்
கனவுகளைத் தேடி
அலைகிறது மனம்.

எதேச்சையாய் படுவது போல
கால்கள் உரச
மெளனத்துடன்
தொடங்குகிறது
தூக்கம் !

அடுத்த விடுமுறை எப்போ ?

2006-01-06T14:17:00.000-08:00

அடுத்த விடுமுறை எப்போ ?
நீண்ட நாள் விடுமுறைக்குப்பின் தமிழ் வலைபதிவுகளின் பக்கம் வர வாய்ப்பு கிட்டியிருக்கிறது. நிறைய படிக்க இருக்கிறது. காஞ்சியில் எடுத்த புகைப்படங்களுடன் விரைவில் புதுபதிவுகள் எழுத முயற்சிக்கிறேன்.

மன்னிப்பு, ஓய்வு, நன்றி

2005-10-31T06:39:00.000-08:00

காஞ்சிபுரம் பற்றி வலையில் தேடிப்போக , காஞ்சி பிலிம்ஸ் பதிவின் மூலமாய் தமிழ் மணம் தெரிய வந்தது.
இந்த மூன்று மாதத்தில் நிறைய எழுதி ஆகிவிட்டது இந்த இடத்திலும் , அந்த இடத்திலும் பின்னூட்டங்கள் நிறைய விட்டாகிவிட்டது. பலரின் மனதையும் காயப்படுத்தி ஆகிவிடிட்டது. சம்பத்தப்பட்ட ஒவ்வொருவராய் பெயர் சொல்லி மன்னிப்பு கேட்க நேரம் ஆகும்,இடம் பத்தாது என்பதால் பொதுவில் ஒரு மன்னிப்பு.தெரிந்தோ தெரியாமலோ பலரின் மனதை புண்படுத்தி இருக்கிறேன். விளையாட்டு பல நேரங்களில் வினையாகவும் ஆகி விடுகிறது.

தவறு செய்வது மனித இயல்பு , புண்படுத்தாமல் எழுதுவது கடினம்
என்று சொல்லி தப்பித்துக்கொள்ள முடியாது என்றாலும், இணையத்தில் இந்த மூன்று மாதங்கள் எழுதியது, தேவையில்லாத பிரச்சனைகளில் தலையிடக்கூடாது என்பதை நன்றாகவே உணர்த்தியது. சம்பந்தப்பட்டவர்கள் மன்னிப்பார்களாக.

நடசத்திர வாரம் முடிந்தவுடன், அலுவலக வேலையாய் தலமை அலுவலகம் இருக்கும் Paris செல்லும் இந்த நல்ல சந்தர்ப்பமும் வாய்த்து இருக்கிறது.அங்கிருந்து அப்படியே இந்தியாவிற்கு செல்லவும் திட்டம். மனைவியுடன் செல்ல இந்த முறை வாய்ப்பு அளித்த மேலாலளருக்கு நன்றி . வேலையும் ஆச்சு, விடுமுறையும் ஆச்சு.கடந்த சில நாட்களாக இங்கேயே அதிக நேரம் செலவழித்து விட்டதால், தனிப்பட்ட, அலுவலக வேலைகள் நிறைய முடிக்கப்படாமல் இருக்கின்றன. அதையும் முடிக்க வேண்டும்.

பின்னூட்டம் அளித்து ஊக்குவித்த அனவருக்கும் நன்றி.

நட்சத்திர வாரத்துக்கு வாய்ப்பு அளித்த மதிக்கு நன்றிகள்

அனைவருக்கும் தீபாவளி, கிரிஸ்துமஸ், புத்தாண்டு வாழ்த்துக்கள் !!!

விடுமுறை கழித்து மீண்டும் சந்திப்போம்.

நன்றி.

( கொஞ்ச நாள் , பின்னூடங்களுக்கு பதில் சொல்ல முடியாது என்பதால் மூடி வைத்து இருக்கிறேன். ஏற்கனவே இருக்கும் பின்னூடங்கள் "பத்திரமாகவே" இருக்கின்றன. இதுவரை வந்த பின்னூடங்களுக்கு பதில் சொல்லி விட்டேன் என்று நினைக்கிறேன். )

நன்றி

2005-10-28T15:54:00.000-07:00

ஒரு வாராமாய் இந்த பதிவுகளை பொறுத்துக் கொண்ட அனைவருக்கும் நன்றி.

நிறைய எழுதி போரடித்துவிட்டேன். ஒரு சிறிய இடைவேளைக்குப் பிறகு மீண்டும் சந்திப்போம்.

அனைவருக்கும் தீபாவளி நல்வாழ்த்துக்கள்

கிரிக்கெட் பைத்தியம்

2005-10-28T07:31:00.000-07:00

எனக்கு எப்போ கிரிக்கெட் பைத்தியம் பிடித்தது என்று தெரியவில்லை. ஆனால் முதல் அறிகுறிகள் 87 உலகக்கோப்பையின் போது தெரிய ஆரம்பித்தது . தலைவலி, வயிற்று வலி என்று அத்துணை வலிகளும் பள்ளிக்கு போகாமல் வீட்டில் டிவி பார்க்க உதவின .

பத்தாவது படிக்கும் போது அரையாண்டு தேர்வுகள் அனைத்தயும் கட் அடித்துவிட்டு மாநில அளவிலான 15 வயதுக்கு உட்பட்ட போட்டியில் ஆடப்போய் அப்பாவிடம் திட்டு வாங்கியவுடன் கொஞ்சம் தெளிந்தது. எல்லாம் 12 வது முடியும் வரைதான் .

அடுத்த கட்டம் கல்லூரியில் ஆரம்பித்தது.
கல்லூரியில் முதல் செமஸ்டர் தேர்வுக்கு முந்திய நாள் நெட் ப்ராக்டிஸ் போய் , ஹெல்மட் போடாமல் பவுன்ஸ்ரை ஹ¥க் பண்ண்ப்போக பெரிய inside edge கண்ணை பதம் பார்த்தது . பத்து தையல்களுடன் கடற் கொள்ளையன் போல ஒற்றை கண் பேண்டேஜ்களால் கட்டப்பட்டு தேரவு எழுதியது எல்லாம் , பைத்தியதிற்கு வேப்பிலை அடித்த மாதிரிதான்.அப்பாவை விட கொஞ்சம் உயரமாய் வளர்ந்து விட்டு இருந்ததால், வீட்டில் அடி வாங்காமல் தப்பினேன்.

வேலைக்கு சேர்ந்த பின்னும், லாஸ் ஏஞ்லிஸ் வந்த பின்னும் பைத்தியம் தெளியவில்லை .தொடர்ந்து கொண்டேதான் இருக்கிறது. கொஞ்ச நாட்கள் முன்னர் கூட Franklin Rose உடன் ஆட நேர்ந்தது . அவர் போட்ட வேகப்பந்து ஒன்று கூட என் கண்ணுக்கு தெரியவில்லை என்பது வேற விஷயம்.

என்ன முன்னெல்லாம் திட்டு அப்பாவிடம் , இப்ப மனைவியிடம் . மற்றபடி திட்டுகள் மட்டும் குறைவதே இல்லை .

சில வருடங்களுக்கு முன், என் பெரியப்பாவின் மகளுக்கு இரட்டை குழந்தை பிறந்தது. அவரின் கணவரை கை தொலைபேசியில் வாழ்த்து சொல்ல அழைத்தேன். அவர் பெரிய கிரிக்கெட் ரசிகர் என்பதால்..

"என்ன மாமா ? இரண்டு விக்கெட்டாமே ?

"ஆமா ஆனந்த். இரண்டு விழுந்தாச்சு, லஞ்ச்க்குள்ள இன்னும் ரெண்டு கூட விழும் என்று நினைக்கிறேன். You know something, the last wicket is a DUCK !"
என்றார் மகிழ்ச்சியுடன்.

அப்புறம்தான் புரிந்தது அவர், இந்தியா ஆஸ்திரேலியா டெஸ்ட் மேட்சை அக்காவின் மருத்துவ அறையில் பார்த்த்து கொண்டு அதை பற்றி பேசிக்கொண்டு இருக்கிறார் என்று.

Steve & Mark என்று பெயர் வைத்து விட போகிறார் என்று பயந்துக்கொண்டு இருந்தாள் அக்கா. நல்ல வேளையாக, பாட்டிக்கு அந்த பெயர் எல்லாம் வாயில் நுழையாது என்று அவரை சமாதனப்படுத்திவிட்டார்கள்

மனைவியிடம் கிரிக்கெட்டுக்காய் மாட்டிய நண்பர் , இதை விட மோசம்.
நண்பன் தேனிலவுக்காக இங்கிலாந்து சென்றான் , திரும்பி வந்த அவர்களை அழைத்து வர . Airport க்கு போனேன். மிக சந்தோஷ்மாய் தலைவரும் , சோகமே உருவாய் தலைவியும் வந்தார்கள் .

"என்ன இடம் எல்லாம் பார்த்தீர்கள் ? "

Lords, Oval, headingly, edbagston ...

மனைவியின் சோகம் காரணம் புரிந்தது . அதற்கு தண்டனையாக தலைவர் இப்போது , வாரம் தவறாமல் ஒவ்வொரு mall யையும் தலைவியோடு சுற்றிக்கொண்டு இருக்கிறார்.

இங்கு லாஸ் ஏஞ்லஸில் நான் ஆடுவது இந்தியா, பாகிஸ்தான், ஆஸ்திரேலியா, வெஸ்ட் இண்டீஸ் என்று எலலாம் கலந்து செய்த ஒரு World XI அணியில் . அணி தலைவர் ஜமைக்காவை சேர்ந்த்தவர், லாராவின் பரம விசிறி ,

உங்கள் வீட்டு விருந்துக்கு லாரா வருகிறார். வீடு தீப்பற்றிக் கொள்கிறது, மனைவி அல்லது லாராவை யாரேனும் ஒருவரைத்தான் காப்பாற்ற முடியும் என்றால் யாரை தேர்வு செய்வீர்கள் என்று அவரிடம் கேட்டார்கள்.

Maann.! Are you kidding ? My Wife is a lousy bat !!

என்று பதில் வந்தது .

உலகமெங்கும் கிரிக்கெட் பைத்தியங்கள் இருக்கத்தான் செய்கிறார்கள்.

எனக்கு வரும் என் e-mail எல்லாம் மூன்று folders பிரித்து வைத்து இருக்கிறேன் . முக்கியமானவை In, படித்து , பதில் அனுப்பியவை Out.
பதில் அளிக்க விரும்பாதவை . பிடிக்காதவை எல்லாம் LBW ( Let those buggers wait !) .

================================================================================

தீபாவளி நல்வாழ்த்துக்கள் !

தமிழ்ப்பதிவுகள்

படம் காட்டும் பதிவுகள்

2005-10-26T13:00:00.000-07:00

புதிய பமக ஏன் ஆரம்பிக்கப்பட்டது என்று உங்களுக்கு தெரிந்து இருக்கக் கூடும்.

படம் போடும் பதிவர்களின் நலன் காக்க ஆரம்பிக்கப்பட்ட கழகம் , பத்து பேர் மட்டுமே இருக்கும் கட்சியை ஏன் உடைப்பது என்று பலரும் கேட்டுக்கொண்டதற்கும் , பட பதிவர்களை கிண்டல் செய்த பமக தலைவரே படம் போட ஆரம்பித்த உடன் ( சில பல சூட்கேஸ்கள், பதவி ஒப்பந்தகள் அடிப்படையில் ) தாய் கழகத்துடன் இணைந்ததையும் தமிழ் கூறும் நல்லுகம் அறியும்.

சில படம் போடும் பதிவர்களை இந்த சம்யத்தில் நான் குறிப்பிட்டே ஆக வேண்டும்.

கடலோடி பரணியின் படங்கள், இவருக்கு மட்டும் எப்படி அழகிய மாலைக்காட்சிகள் அற்புதமாய் கிடைக்கின்றன் என்று என்னை பொறாமை பட வைப்பன. இராமநாதனின் எறும்புகளும், தஞ்சை கோவில் படங்களும் அருமையானவை

தமிழ்மணத்தில் எங்களுக்கு இட ஒதுக்கீடு வேண்டும் என்று சொல்லும் அளவிற்கு படம் போடும் பதிவர்கள் மிகச்சிலரே. ( நான் சொல்வது சொந்தமாக படம் எடுத்து போடுவர்கள் பற்றி மட்டுமே ).

என் புகைப்பட பதிவில் பின்னூட்டம் அளித்து ஊக்கப்படுத்திய சுதர்சன், மஞ்சுளா ( எங்கே உங்கள் படங்கள் ? ) கார்த்திக், UK சுரேஷ் , தேசிகன் மற்றும் அனைவரும் தான் , நான் ஞாயிறு கிழமை தோறும், கேமராவும் கையுமாய் ஊர் சுற்ற காரணம் .

முன்னரே குறிப்பிட்ட மாதிரி நல்ல புகைப்படம் எது என்று எப்படி வரையறுப்பது என்று எனக்குத் தெரியவில்லை.

பார்த்ததில் பிடித்தவற்றை, படம் பிடிக்கிறேன். நன்றாக வந்து இருப்பதாய் எனக்குத் தோன்றுவதை பதிவிடுகிறேன் என்ற நிலைதான் எனக்கு.

எனக்கு தெரிந்த சில எளிய குறிப்புகள்.

Digitial camera வாங்குங்கள். (கொஞ்சம் டப்பு இருந்தால் நிச்சயம் DSLR )
Depth of Field பற்றி நன்றாக அறிந்து கொள்ளுங்கள்.
முடிந்த வரை Tripod உபயோகியுங்கள்.
மதிய வேளைகளில் புகைப்படம் எடுப்பதை தவிருங்கள் ( மாலை. விடியற்காலை நல்ல நேரங்கள் )
முடிந்த வரை Flash உபயோகப்படுத்தாதீர்கள். இயற்கை வெளிச்சத்தை எப்படி உபயோகப்படுத்திக் கொள்வதை கற்க இது மிகவும் பயன்படும் )
மக்களை எடுக்கும் போது , foreground ல் எதுவும் இல்லாமல் பார்த்துக்கொள்ளுங்கள், அதே சமயம் Landscape எடுக்கும் போது foreground ஏதேனும் இருப்பது படத்தை நன்றாக காட்டும்.
Horizon நடுவில் இருப்பது போல் எடுக்க வேண்டாம்.
வானம் மூடிய, மேகங்கள் கொஞ்சம் கீழே இறங்கி இருக்கும் நாட்களில் Landscape படங்கள் அருமையாக வரும்.
பொறுமை வேண்டும்
ஒரே படத்தை பல கோணங்களில் , பல esposure ல் எடுத்து பாருங்கள்.
புகைபடம் எடுப்பது பற்றி படித்த எல்லா விதிகளையும் மீற தயாராய் இருங்கள்.

Stop taking photo.. Make photo..,, say cheese !!!

இவற்றை பற்றி கொஞ்சம் விரிவாய் இங்கே.

புகைப்படம்

என் சில முயற்சிகள்

பூக்கள்

மரங்கள்

சூரியன்

கடற்கரை

பொது

ஓவியங்கள்

தமிழ்ப்பதிவுகள்

மாட்டு டாக்டர்

2005-10-25T18:40:00.000-07:00

பள்ளியில் உங்களுக்கு என்ன பட்டப் பெயர் ?

காஞ்சிபுரம் போன்ற ஒரு கிராமமும் இல்லாத நகரமும் இல்லாத ஒரு பேரூரில் வளர்ந்த, படித்த எனக்கு கிடைத்த முதல் பெயர் ஆந்தை . இத்தனைக்கும் நான் கண்ணாடி அணிவதில்லை, என் கண்களும் பெரிதும் இல்லை. எப்படியோ ஆனந்திற்கும் , ஆந்தைக்கும் சம்பந்தம் இருப்பதாக யாரோ வைத்த பெயர் அது.

சரி பரவாயில்லை என்று நான் நினைத்து கொண்டு இருந்த போது தான் வகுப்பு ரவுடி நடராஜ் வீட்டு மாட்டுக்கு பிரசவம் பார்க்க கால்நடை மருத்துவரான என் தந்தை சென்று இருந்தார். எசகுபிசகா சிக்கிக்கொண்ட கன்று குட்டியை மிகவும் கஷ்டப்படுத்தி காப்பாற்றியும் விட்டார்கள்.

மறுநாள் வகுப்பில் நுழைந்தவுடன் நடராஜ் கத்த ஆரம்பித்தான் .

"'இவனோட அப்பா, மாடு பின்னாடி கையை விடறாரு . மாடு! மாடு!! "

நடராஜ் பின்னால் எப்பவும் "எஸ் பாஸ் " என்று சொல்லித்திரியும் சில பசங்களும் சேர்ந்துக்கொள்ள அன்று அழுதுக் கொண்டுதான் வீடு திரும்பினேன்.

"நீங்க ஏன் மாடு பின்னாடி எல்லாம் கையை விடணும். வேற வேலை கிடைக்கலையா உங்களுக்கு"

அழுதுக்கொண்டே கேட்ட என்னை எப்படியோ சமாதனப்படுத்தி தூங்க வைத்து விட்டார்கள்.

பசுநேசன், மாட்டுக்காரன் யார் என்றால் என் பள்ளியில் இராமராஜனை விட என் பெயரைத்தான் பதிலாக சொலுவார்கள். மூன்றாம் வகுப்பில் வைத்த பெயர் அப்படியே தொடர்கிறது . இன்று வரை அமெரிக்காவில் இப்ப இருப்பதால் கொஞ்சம் ஸ்டைலாக Cowboy என்று மாற்றி இருக்கிறார்கள்

(அரசியல்வாதி மாதிரி எனக்கு பெயர் சூட்டிய நடராஜ் இரண்டு மூன்று இம்ப்ரூவ்மண்ட் எல்லாம் எழுதியும் MBBS கிடைக்காததால் BVSc சேர்ந்து என் அப்பாவிடமே intern ஆக வேலை செய்தது வேற விஷயம் ! ).

ஊரில் சர்க்கஸ் வந்து விட்டால் மட்டும் கொஞ்சம் கிண்டல் குறையும் . ஓசி பாஸில் சர்க்கஸ் சிங்கம், புலியோட photo எடுத்துக்கொள்ளவும், சர்க்கஸ் பார்க்கவும்தான். ஒருமுறை கண்ட மாமிசத்தை தின்று ஆறு, ஏழு சிங்கங்கள் இறந்தப்போது, சிங்கங்களை தைரியமாக தொட்டு பார்க்கவும் முடிந்தது.

நல்ல வேளையாக எந்த வாத்தியாரிடமும்
"நீ மாடு மேய்க்கத்தான் லாயக்கு" என்று திட்டு வாங்கியதில்லை .

காஞ்சிபுரத்து மனித டாக்டர்களிடம் நாயோ பூனையோ இருந்தால் அவைகளுக்கு அப்பா இலவசமாகவும், அதற்கு பதிலாக என் குடும்பத்தினருக்கு அவர்கள் இலவசமாகவும் வைத்தியம் பார்த்துக்கொண்டதால் டாக்டருக்காகவும், மருந்துக்காகவும் எந்த செலவும் இருந்தது இல்லை.

என் அப்பா ஒரு Veterinary Doctor என்று , நாய்க்குட்டிகளை, மாதவன், ராகுல் ட்ராவிடுகளை விட அதிகம் நேசிக்கும் , கல்லூரி SPCA பிகர்களிடம் "கடலை" போடவும் முடிந்தது.

அப்பா பணியில் இருந்து ஓய்வு பெற்று கிட்டத்தட்ட இரண்டு வருடங்கள் ஆகப்போகிறது. இன்னமும் இலவசமாக வைத்தியம் பார்த்துக்கொண்டு இருக்கிறார் . வெளியே வரவே மாட்டேன் என்று அழிசாட்டியம் செய்யும் கன்றுக் குட்டிகளை வெளியில் இழுத்து விட்டுக்கொண்டு , வலிக்கும் கைகளுக்கு iodox தேய்த்து கொண்டு ....

போனமுறை விடுமுறைக்கு போனபோது நடுராத்திரியில் காஞ்சி பஸ்நிலையத்தில் ஆட்டோவை இரண்டு மடங்கு வாடகை பேசி தெருவில் நுழைந்தவுடன் வீட்டை அடையாளம் காட்டினேன்.

"மாட்டு டாக்கர் பிள்ளையா நீ "

"போன வாரம் கூட உங்க அப்பாதான் நம்ம வீட்டு மாட்டுக்கு சினை ஊசி போட்டு விட்டு போனாரு. மாமல்லன் நகர் ஆட்டோ மணி வண்டியில் தான் வந்தேன் என்று அப்பா கிட்ட சொல்லி விடுங்க "

என்று ஆட்டோக்காரர் காசு வாங்காமலே சென்று விட்டார்.

"ஏன் ஆட்டோவுக்கு காசு கொடுக்கவில்லை ? "

அப்பா திட்டுக்கொண்டு இருந்தார்.

"அடுத்த தடவை அவனை பார்க்கும் போது காசு கொடுத்து விடுங்கள் "

என்று அம்மா சமாதனப்படுத்தும் வரை.

காலையில் எழுத்தவுடன் நடராஜ்க்கு போன் பண்ணவேண்டும் என்று யோசித்துக்கொண்டே தூங்கிபோனேன் .

தமிழ்ப்பதிவுகள்

அழுகையின் நிறம் !

2005-10-24T19:45:00.000-07:00

அந்த புது அப்பார்ட்மெண்டுக்கு நாங்க குடி போனது ஆகஸ்ட் 1, 2001. நாங்க என்றால், நான், ராகுல் , கொண்டைக்காரன் என்று எங்களால் அழைக்கப்படும் சரண்ஜித் சிங் என்ற சர்த்தாரும்.

நாலு வீடுகள் கொண்ட பகுதிகளாய் அலுவலகதிற்கு அருகிலேயே வசதியாகத்த்தான் இருந்தது. ஒரு வீட்டில் மெக்ஸிகன் இளம் தம்பதியரும், நேர் எதிர் வீட்டில் 60 வயது மதிக்கத்தக்க ஒரு ஆங்கிலேயரும் இருந்தார்கள். மற்ற ஒரு வீடு காலியாக இருந்தது.

வீடு ஒன்று இருப்பது வெறும் தூங்குவதற்கு மட்டும்தான், மீதி நேரம் எல்லாம் அலுவலகத்தில் என்று ஓடிக்கொண்டு இருந்த காலம் அது. அண்டை வீட்டுக்காரர்களை பற்றி அதிகம் தெரிந்துக்கொள்ள இயலவில்லை. எல்லாம் நன்றாக போய்க்கொண்டு இருந்தது செப்டம்பர் 11ம் தேதி வரை.

அதன் பின் அனைவரும் எங்களை ஒரு மாதிரியாய் பார்ப்பது போல தோன்ற ஆரம்பித்தது. சிங்கின் நீண்ட தாடியும், தலைபாகையும் வேறு .. எந்த சராசரி அமெரிக்கனுக்கு சிங்கின் தலைப்பாகைக்கும், ஓஸாமாவின் தலைபாகையும் வித்தியாசம் தெரியும் ?

சிங் வெளிய வரவே கொஞ்சம் பயந்த்துத்தான் போனான். எந்த நேரத்தில் எவன் வந்து அடிக்கப்போறான் என்று .நாலைந்து சிங்குகளை அங்கே இங்கே போட்டுத்தாக்கி விட்டர்கள் என்று வேற செய்திகள் வந்து, வயிற்றில் புளியை கரைத்துக் கொண்டு இருந்தது.

எப்ப பார்த்தாலும் எதிர் வீட்டு வெள்ளை ஆசாமி எங்களயே நோட்டமிடுவது போல தோன்றியது. குறிப்பாக சிங்கை அவர் பார்த்த பார்வையே சரியில்லை .

அவர் வீட்டின் வெளியே பெரிய அமெரிக்க கொடியை பறக்க விட ஆரம்பித்தார் . அவர் வியட்நாம் போரில் சண்டையிட்டவர் என்றும், இப்ப மனைவியை விட்டு தனித்து வசிக்கிறார் என்றும் தெரியவந்தது. அவரை நேருக்கு நேர் பார்ப்பதை முடிந்த மட்டும் தவிர்த்தோம்.

அப்புறம் கொஞ்ச நாளில் பயம் பதட்டம் எல்லாம் சரியாகி விட்டது. ஆனால் எங்களுக்கும் எதிர்வீட்டு ஆளுக்கும் Cold war மேலும் சில நாட்களுக்கு தொடர்ந்து. நேரில் சந்திக்க நேர்ந்தால் தலையைக்கூட நிமிர்த்தாமல் ஒரு ஹை , ஹலோ வோடு நகர்ந்தோம். சில சமயங்களில் அவராகவே ஏதேனும் பேச்சை ஆரம்பித்தாலும், சில வார்த்தைகளுடன் முடித்து ஓடிக் கொண்டு இருந்தோம்.

அப்புறம் அவரை அடிக்கடி பார்ப்பதும் குறைந்து போனது. அவருக்கு உடல்நிலை சரியில்லை என்றும், ஏதேனும் ஒய்வு இல்லத்திற்கு போக விரும்புகிறார் என்றும் அவர் ஒருமுறை சொன்னதாக ராகுல் சொன்னான்.

அந்த வருட கிரிஸ்துமஸ் விடுமுறைக்கு வழக்கம் போல அலுவலகம் காலியானது. ஊர் சுற்றக் கிளம்பி மூன்று நாட்களுக்கு பிறகு வீடு திரும்பினோம்

வீட்டில் "குப்" பென்ற துர்நாற்றம் தாக்கியது.முதலில் அவ்வளவாக உணரமுடியாவிட்டாலும், இரண்டு நாளில் தாங்க முடியாத நெடி. எங்களை தவிர வேற எந்த வீட்டிலும் ஆட்கள் இருப்பதாக தெரியவில்லை.

ஒருவழியாக விடுமுறை முடிந்து அப்பார்ட்மெண்ட அலுவலகமும் திறந்தது.
முதலில் சென்று இந்த நாற்றத்தை பற்றி சொன்னோம். அவர்களும் வந்து . நாற்றதுக்கான காரணமும் கண்டுபிடித்தார்கள்.

உடல் நிலை திடீரென மோசமாகி எதிர் வீட்டுக்காரர் இறந்து போயிருந்தார். யாரும் கவனிக்காமல் இருந்ததால் அவர் இறந்தது யாருக்கும் தெரியவே இல்லை. கிட்டத்தட்ட ஐந்து நாட்கள் !

அப்புறம் போலிஸ் வந்து , ஆம்புலன்ஸ் வந்து, எல்லாம் நடந்து முடிந்தது . நாற்றத்தை தாங்க முடியாமல் எல்லாரும் பக்கத்தில் இருந்த ஹோட்டலில் இரண்டு நாட்கள் இருந்தோம்.

சரியாக சாப்பிடக்கூட முடியவில்லை, தூக்கமும் இல்லை. எதிர் வீட்டுக்கதவை தட்டிப் பார்க்கக் கூடத்தோன்றவில்லையே .. விடுமுறைக்கு அனைவரும் சென்று விட்டார்கள் என்று நாங்கள் எண்ணியது முட்டாள்தனம். மனது அலைகழித்துக் கொண்டு இருந்தது

வீட்டுக்கு திரும்பியப் போது, அவர் வீட்டு வாசலில் கொடி அமைதியா காற்றில் வீசிக்கொண்டு இருத்து.

"பாவம், நல்ல மனிதன் !! "

என்றான் சரண்ஜித்.

அழுகையை கட்டுப்படுத்த கண்களை துடைத்துக்கொள்வதை தவிர வேறு ஏதும் பதில் சொல்லத் தெரியவில்லை எனக்கு !

காதல் என்பது...

2005-10-23T21:30:00.000-07:00

திருட்டு கல்யாணதிற்கு சாட்சி கையெழுத்து போட்டு இருக்கிறீர்களா ?

எனக்கு அந்த சந்தர்ப்பம் 1995ல் கடுமையான ஒரு வெள்ளிக்கிழமை மதிய வெயிலில் கிடைத்தது .நம் வசதிக்காக காதலர்களின் பெயர்களை சுரேஷ் , ரேஷ்மா என்று வைத்துக்கொள்வோம்.

ரேஷ்மா என்னுடன் எலக்ட்ரானிக்ஸ் லும், சுரேஷ் மெக்கானிகலிலும், அரசு பொறியியல் கல்லூரியில் படித்துக்கொண்டு இருந்த நேரம். கல்லூரியின் பிரபலமான மாணவன் சுரேஷ். கல்லூரி கிரிக்கெட் அணி கேப்டன், கல்லூரி விழாக்களில் கலக்குபபவன்.

ரேஷ்மா அட்டெண்டெண்ட்ஸ் தவிர வேறு எதற்கும் வகுப்பில் வாய் திறந்தது நான் பார்த்ததில்லை. வகுப்பிலோ, லேப்பிலோ யாராவது அவளைப் பார்த்து சத்தமாய் பேசினாலே அழுது விடும் அளவிற்கு பயப்படுபவள்.

அவர்களுக்குள் எப்படி காதல் வந்தது என்பது கல்லூரியில் பலரை ஆச்சரியப்படுத்திய விஷயம்.

Project வேலையாக கம்ப்யூட்டர் லேப்பில் C யோடு சண்டை போட்டுக்கொண்டு இருந்த போது,

" மச்சி, சுரேஷ், ரேஷ்மாவுக்கு register கல்யாணம் , கையெழுத்து போட வர்றியா ?"
என்ற அழைப்பு வந்தது.

பத்து பதினைந்து பேராய் நகரின் மத்தியில் இருந்த அந்த பதிவு அலுவலகத்துக்கு போனோம். கையெழுத்து போட்டு , மாலை மாற்றி கல்யாணம் நடந்தது.

அன்று வெள்ளிக்கிழமை என்பதால் , வழக்கம்போல நான் , காஞ்சிபுரம் வார இறுதிக்காய் போய்விட்டேன்.கிண்டலும் சிரிப்புமாய் மற்றவர்கள், கல்லூரி விடுதிக்கு பஸ் ஏறினார்கள்.

திங்கட்கிழமை கல்லூரிக்கு திரும்பிய போது ஒரு கலவரமே நடந்தது முடிந்து இருந்தது .

ரேஷ்மாவுக்கு அப்பா இல்லாததும், அவளும் , அவளின் இரண்டு தங்கைகளும், அம்மாவோடு, மாமாவின் வீட்டில் இருக்கிறார்கள் என்பது மட்டும் எனக்கு முன்னரே தெரியும்.

கல்லூரி முடிந்தவுடன் , மாமாவோடு அவளுக்கு கல்யாணம் என்பதால் தான் இந்த அவரசர கல்யாணம் என்பதும், ரேஷ்மாவை , அவள் வீட்டார் வந்து அடித்து இழுத்துக்கொண்டு போய்விட்டர்கள் என்பதும் அப்போதுதான் தெரிந்தது.

ரிஜிஸ்தர் அலுவலகத்தில் கல்யாணம் ஆகிவிட்டது, இரண்டு பேரும் மேஜர் அப்புறம் என்ன பிரச்சனை ?

அவசரக் கல்யாண்ம் என்பதாலும் ஆர்வக்கோளாறினாலும், பசங்கள், யாரிடமோ இலஞ்சம் கொடுத்து முன்னரே கல்யாணம் பற்றி அறிவிப்பு கொடுக்க வேண்டும் என்ற விதிகளை எல்லாம் மீறி ஏகப்பட்ட குளறுபடியுடன் இந்த கல்யாணத்தை நடத்தி இருக்கிறார்கள் .

அவளின் உறவினர்கள் கவனிக்க வேண்டியவர்களை நன்றாக கவனித்து, இந்த கல்யாணம் சட்டப்படி செல்லுபடியாகாது என்று மாற்ற வைத்து விட்டார்கள். போலிஸ், வந்து சுரேஷையும் இதை நடத்தி வைத்தவர்களையும் நன்றாக எச்சரித்துவிட்டு போயிருந்தார்கள். மேலும் கோர்டுக்கு எல்லாம் போனால் , "ஆஸிட் அடிப்பேன்" என்று மிரட்டி கல்யாணம் செய்து விட்டார்கள்
என்று ரேஷ்மாவை மிரட்டி சொல்வதற்கும் தயாராக இருந்தார்கள்.

ஒரு வாரத்தில் ரேஷ்மாவுக்கும் அவளின் மாவுக்கும் கல்யாணம் என்று செய்தி வந்த்து. ரேஷ்மா அதோடு கல்லூரி வருவதும் நின்றது.

செமஸ்டர் தேர்வை, எப்பவும் அழுத்துக் கொண்டு பித்து பிடித்தவன் போல் இருந்த சுரேசை மிகக் கஷ்டப்பட்டு எழுத வைத்தோம். முதல் நாள் தேர்வின் போது, ரேஷ்மா கர்ப்பமாய் இருக்கிறாள், என்று கேள்விப்பட்ட செய்தியை சுரேஷிடம் சொல்ல எங்களில் யாருக்கும் தைரியமில்லை .

கல்லூரி முடிந்தவுடன், நான் வேலை விஷயமாய் பெங்களூர், லாஸ் ஏஞ்சலிஸ் என்று சுத்திக் கொண்டு இருந்தேன் சுரேஷ் சென்னையில் வேலை தேடிக்கொண்டு இருப்பதும், பின்னர், consultant ஆக New Jersey வந்து விட்டான் என்றும் மற்ற நண்பர்கள் மூலம் தெரிந்தது.

போன வாரம் மாலிபு கோயிலில் சுரேஷை , அவன் மனைவியுடனும், இரண்டு வயது பெண் குழந்தையுடனும் பார்த்தேன். கிட்டத்தட்ட பத்து வருடங்களுக்கு பிறகு.

அவன் மனைவியும், குழந்தையும் என் மனைவியோடு கோயிலை சுற்ற ஆரம்பிக்க, அவனோடு தனியாய் பேசும் சந்தர்ப்பம் கிடைத்து.
San diego ல் கடந்த இரண்டு வருடங்களாய் இருப்பதாய் சொன்னான்.கல்லூரி , வேலை, Green Card , லாஸ் ஏஞ்சலிஸ்ன் வெயில் எல்லாம் பேசினோம், ரேஷமாவை பற்றி தவிர.

கண்டிப்பாய் வீட்டுக்கு வர வேண்டும் என்று மாற்றி மாற்றி அழைத்துக் கொண்டு பிரியும் போது.

"ரேஷ¥ குட்டி , அங்கிள் , ஆண்டிக்கு டாட்டா சொல்லு !"

என்றார்கள் சுரேஷின் மனைவி குழந்தையிடம் .

கண்கள் மின்ன சிரித்துக்கொண்டே எங்களை பார்த்து அழகாய் கை அசைத்து அந்த குட்டி தேவதை.

ரேஷ்மாவின் குழந்தைக்கு இப்ப கிட்டத்தட்ட 9 வயது ஆகி இருக்கும்
என்று நினைத்துக் கொண்டே திரும்ப கை அசைத்தேன் நான்.

பின் குறிப்பு:
இதை பற்றி என் வலைப்பூவில் எழுதட்டுமா என்று சுரேஷிடம் இரண்டு நாட்கள் முன்னர் பேசிக் கொண்டு இருந்தேன். முதலில் வேண்டாம் என்றவன், கடைசியில்
"கண்டிப்பாய் எழுது. ஒரு வேளை அவள் இதை படித்தாலும் படிக்கக் கூடும் " என்றான்.

IMDB வயது 15

2005-10-21T13:11:00.000-07:00

இணைய உலகில் திரைப்படங்களை பற்றிய செய்திகள் தேட நானும் பலரும் முதலில் செல்லும் வலைத்தளம் IMDB யாகத்தான் இருக்கும். கிட்டதட்ட நான் இதுவரை தேடிய படங்கள், நடிகர், நடிகையர் விபரங்கள் எனக்கு கிடைக்காமல் போனதே இல்லை.

IMDB ஆரம்பித்து 15 வருடங்கள் ஆகி விட்டன. வாழ்த்துக்கள். அதன் 15 நிறைவை ஒட்டி அதன் பதிப்பாளர்கள் கடந்த 15 வருடத்தில் வந்த தலைசிறந்த 15 படங்களின் பட்டியல் வெளியிட்டு இருக்கிறார்கள்.

லகானும், Fiza வும் இந்த பட்டியலில் உள்ளன. வழக்கம்போல தமிழ் படங்களை இதிலும் தேடி ஏமாந்துத்தான் போனேன்.

தண்டனை

2005-10-12T13:18:00.000-07:00

இந்த தண்டனை முறை சரி வருமா ?

குரங்கும் தேவதையும்

2005-10-04T11:53:00.000-07:00

அக்டோபர் மாதம் வந்தாலே கொஞ்சம் ஜாலிதான். NFL சூடு பிடிக்க ஆரம்பித்து இருக்கும், கிட்டதட்ட ஒவ்வொரு அணியும் 160 ஆட்டம் ஆடி கடைசியாய பேஸ்பால் playoffs ஆரம்பிக்கும்.

வழக்கம் போல Dodgers வயிறெரிச்சலை கொட்டிக்கிட்டாலும் , Angels எவ்வளவோ மேல். Evil Empire உடன் இன்று சாயந்திரம் முதல் ஆட்டம் ஆரம்பம்.

சாயந்திரம் Freeways எல்லாம் கூட்டம் இல்லாமல் இருக்க Rally Monkey அருள் புரியட்டும்.

( இப்பவே பாதிக்கும் மேல அலுவலகம் காலியாணது மாதிரி இருக்கு ! )

Go Halos !

நம்பினால் நம்புங்கள் !

2005-09-28T19:27:00.000-07:00

நம்ம எழுத்தையும் யாரோ படிக்கறாங்க என்பதற்கு கவுண்டர் மட்டும்தான் இது வரை சாட்சியாய் இருந்தது. நிஜமாகவே யாரோ படிக்கிறார்கள் என்பதற்கு தினமலர் இன்று அறிவியல் ஆயிரம் பகுதியில் இந்த தளத்திற்கு சுட்டி கொடுத்து இருக்கிறார்கள்.

தினமலருக்கும், இதை பற்றி எழுதிய நண்பருக்கும் மிக்க நன்றி.. ( யார் அந்த நண்பர் உங்களுக்குத் தெரியுமா ?)

இதை சுட்டிக்காட்டிய கட்சித் தலைவர் முகமூடிக்கு நன்றி.

வீட்டு பக்கம் எல்லாம் ஒரே தீ, நெருப்பு. 15 நிமிடத்தில் வீட்டுக்கு வரவேண்டிய நான் , Freeways எல்லாம் மூடியதால் 2 மணி நேரம் கழித்து வீட்டுக்கு வந்த்தேன். இன்றைய கடுப்புக்கு ஒரு நல்ல செய்தி !

தூக்கம் வரப்போவதில்லை எனக்கு இன்று.

( தினமலரினால் மட்டும் அல்ல,எந்த நேரமும் mandatory evacuation நட்த்தப் போறாங்களோ என்று !! )

Histograms -எளிய அறிமுகம்.

2005-09-25T07:30:00.000-07:00

ஒரு புகைப்படம் சரியான அளவிற்கு Expose ஆகியிருக்கா என்பதை காண சரியான வழி histograms சரியாக படிப்பதுத்தான் .அனைத்து photo editors லும் , சில கேமராவிலும் histograms பார்க்க முடியும்.

மேலும் தெரிந்து கொள்ள இந்த சுட்டியை பாருங்கள்.

பவர் கட்டும் ஜெஸிக்கா சிம்ஸ்னும்

2005-09-13T10:21:00.000-07:00

நேற்று மதியம் சுமார் இரண்டு மணி நேரத்துக்கும் மேல், லாஸ் ஏஞ்லஸில் ஒரு பெரிய பவர்-கட். யாரோ தப்பான இணைப்பை அறுத்து விட்டு , சரி செய்ய இணைக்கக் கூடாத இணைப்பை எல்லாம் செய்ய, இருளில் மூழ்கியது லாஸ் ஏஞ்சலிஸ் முழுக்க.

முந்தின நாள் தான், மெல்போர்னுக்கும், லாஸ் ஏஞ்சலிஸ்க்கும் தீவிரவாதிகள் எச்சரிக்கை விட்டதும், செம்பட்மர் 11 க்கு அடுத்த நாளே இது நடந்ததும், அலுவலகத்தில் எல்லாரையும் கொஞ்சம் டென்ஷன் ஆக்கி விட்டது.

வெளிச்சம் போனவுடன் என் பக்கத்தில் அமெரிக்க நண்பர் சொன்னது
இது தீவிரவாத சதியாகத்தான் இருக்கும். மனிதர் செல்போனை எடுத்து எல்லாரையும் அழைக்க ஆரம்பித்து விட்டார்.

பெட் ரோல் பம்புகள், ட் ராபிக் விளக்குகள் , டிவி எல்லாம் அவுட். இரண்டு மணி நேரம் வேலை செய்யாமல் வெளியில் சுற்ற வாய்ப்புக் கிடைத்தில் ஒரு அறுவை மீட்டிங்கில் இருந்து நான் தப்பித்தேன்.

இந்த கலாட்டாவில் ரொம்ப கஷ்டப்பட்டது ஜெஸிக்கா ஸிம்ப்ஸன் தானாம். பாவம் . Escalator ல் அவர் இருந்த போது , கரண்ட் போனதால், இரண்டு மணி நேரத்திற்கும் என்ன செய்வதற்கு என்று தெரியாமல் இருந்த இடத்திலேயே நின்று கொண்டு இருந்தாராம்.

( அடிக்க வராதீர்கள். காலையில் ரேடியோவில் கேட்ட செய்தி இது ! )

பாவம் ஷரபோவா, பூபதி

2005-09-09T16:04:00.000-07:00

ஆஸ்திரேலியாவின் முன்னாள் மருமகளான Kim Clijsters விடம் என் இன்னாள் கனவுக்கன்னி Maria Sharapova தோற்றுப்போனது ஒரு பெரிய சோகம் என்றால், நம்ம மகேஷ் பூபதி 9 வது முறையாக க்ராண்ட் ஸ்லாம் ஜெயித்ததை யாரும் கண்டுக் கொள்ளாதது பெரிய சோகம்.

Indian express ன் ஒரு பாதியான மகேஷ் Daniela Hantuchova உடன் இணைந்து 6-4 6-2.என்ற நேர் செட் கண்க்கில் Katarina Srebotnik and Nenad Zimonjic வென்று US Open கலப்பு இரட்டையர் ஆட்டத்தில் வெற்றி பெற்றதற்கு வாழ்த்துக்கள்.

ஜான் மெக்கன்ரோ சொன்னது போல யாருமே கண்டுக்கொள்ளாத இரட்டயர் ஆட்டத்தை விட்டு சானியா மிர்சா வுக்கு உதவி செய்வதில்தான் மகேஷின் புத்திசாலித்தனம் இருக்கிறது போலும்.

ஷ்ரபோவா தோற்றதால் புண்பட்டு போன என் மனசை , Daniela படத்தை பார்த்து ஆற்றிக்கொள்கிறேன் !!!

புகைப்பட போட்டி.

2005-09-06T13:40:00.000-07:00

Digital Camera Magazine, Magic Moments என்ற தலைப்பில் புகைப்பட போட்டி நடத்தி வருகிறார்கள்.
உங்கள் படங்கள் அனுப்ப செப்டம்பர் 7 தான் கடைசி நாள். இதுவரை போட்டிக்கு அனுப்பப்பட்ட படங்கள் இங்கே

அழுவாதே பாண்டீங்க்

2005-08-29T14:32:00.001-07:00

நாலாவது மேட்சில் , இரண்டாவது இன்னிங்ஸில் ரன் அவுட் ஆகிவிட்டு திட்டி விட்டு போயிருக்கும் பாண்டீங்கை பார்த்தால் வேடிக்கையாக இருக்கிறது.

ஜோன்ஸ்க்கு அடிப்பட்டு மருத்துவமனைக்கு கூட்டி சென்று இருக்கிறார்கள். இங்கிலாந்து என்ன 10 பேரோடு மட்டும்தான் ஆட வேண்டும் என்று நினைத்தார் போல. Follow on ஆன பிறகு முதல் இன்னிங்க்ஸில் 5 விக்கட் எடுத்த ஜோன்ஸ் ஆட வேண்டும் என்றே இங்கிலாந்து விரும்பி இருக்கும்

கைக்கு நேரா பந்தை அடித்து விட்டு ஒடி அவுட் ஆகிவிட்டு substitute விதியை இங்கிலாந்து தவறாக பயன்படுத்துகிறது என்று அழுவதில் என்ன நியாயம் இருக்கிறது.

கடைசி பந்தில் 6 ரன்கள் அடிக்க கூடாது என்பதற்காக under arm போட்ட அணியில் இருந்து வந்த Sledging. mental disintegration எல்லாம் பேசும் பாண்டீங்கு தெரியாத என்ன , விதி எதுவும் மீறப்படவில்லை என்று.

அழுவாதே பாண்டீங்க். அடுத்த Ashes ஆஸ்திரேலியாவில் நடக்கும் போது பார்த்துக்கொள்ளலாம் !!!

தேடல்

2005-08-26T15:00:00.000-07:00

K-Mart பற்றியும் WalMart பற்றியும் சில பதிவுகள் பார்த்தேன். Walmart எப்படி சிறு தனி வியாபாரிகளை அழிக்கிறது என்பது பிரசித்தம்.

Walmart.com அப்படின்னு Walmart ன் வலைதளம் இருக்கு.
அதில் போய்,
Casino chips பற்றி தேடினால் வரும் விடைகளை பாருங்க.

சூதாடினா என்ன கிடைக்கும் என்பதை தெளிவாய் சொல்றாங்க..

Google ம் Walmart ம் உள்ள ஒற்றுமைகளை பற்றி இங்க.

கிசுகிசு

2005-08-12T08:51:00.000-07:00

கிசுகிசு இரண்டு பிரபல (?!!) வலைபதிவரகளை பற்றிய Exclusive கிசுகிசுக்கள்.

1. வலைப்பூக்கு புதிது என்று சொல்லிக்கொள்ளூம் குட்டியானவர் ஏற்கனவே இங்கு பழம் தின்று கொட்டை போட்டவராம். கொஞ்ச நாள் சும்மா இருந்து விட்டு இந்த பெயரில் கலக்குகிறாராம். கூடிய சீக்கிரம் அவர் முகத்திரை கிழித்து தன்னை அடையாளம் காட்டிக்கொள்ள போகிறாராம். அதுவரை என்ன என்ன குசும்பு நடக்கபோகிறதோ ?

2. எல்லோரையும் எச்சரித்த அந்த ரகசியர் தானே இப்ப மாட்டிக்கொண்டாராம். கோட்டையில் இருந்த சதாம் இப்ப ஜெயிலில் மாட்டிக்கொண்டது போல தன் ரகசிய இருப்பிடம் மற்றவருக்கு எப்படி தெரிந்தது என்று தோண்டி தோண்டி விசாரித்து வருகிறாராம். உண்மை வெளி வருமா ..

விரைவில்..

( வாரமலர் கறுப்பு பூனை வேலைக்கு ஆள் காலியிருக்காமே? )

(பே) தாஸ்

2005-08-08T12:30:00.000-07:00

ஜாதி வெறி பிடித்த ஊர் பெரிய மனிதரின் பெண்ணுக்கும், வேற மதத்தை சார்ந்த ரொம்ப நல்ல பையனுக்கும் வழக்கம் போல காதல். ( புதுசா கதையே இல்லையா தமிழ் சினிமாவில் )

காதலுக்காக உயிர் துறக்கும் அப்பாவி ஜோடி இன்னொன்று.

ஊரை விட்டு ஓட, போலிஸ், அடியாட்கள் துரத்தல்.

ஆண்டனி தாஸ¥ம் ( LLD தாஸ் இல்லை ) , இராஜேஸ்வரியும் "நிக்காஹ்" பண்ணுவதற்கு இடையில் முஸ்லீம் தீவிரவாதிகளின் ஜிஹாத்.

நாயகன் ஏன் Football வீரராக காட்டப்படுகிறார் என்பதை விளக்கிய கிளைமாக்ஸ், குத்தாட்டத்துடன் சுபம்.

பார்க்க வேண்டிய காட்சிகள்

1. Matrix யை தூக்கி சாப்பிடும் அளவிற்கு Landmines பற்றிய கிராபிக்ஸ்

2. World cup finals விட விறுவிறுப்பான மாவட்ட கால்பந்து இறுதி போட்டி.

காப்பி சமாச்சாரம்

யுவன் அப்பாவிடம் இருந்து சுட்ட ஒரு பாடல்.

காப்பி

ஒரிஜினல்

ரஜினியின் அடுத்த மாப்பிள்ளை , ரவிதான் என்று வதந்திகள். இந்த மாதிரி படங்களில் தொடர்ந்து நடித்தால், கூடிய சீக்கிரம் தனுஷ் நிலமைதான் இவருக்கும் ..

·பயர்பாக்ஸ் - Pop-Up

2005-08-04T10:30:00.000-07:00

பயர்பாக்ஸ் உபயோகபடுத்திய பின்னரும் சில Pop-up விளம்பரங்கள் வருவதை பார்த்து இருப்பீர்கள்.
அதை தடுக்க ஓரு எளிய வழி.

Type about:config into the Firefox location bar.

Right-click on the page and select New and then Integer.

Name it privacy.popups.disable_from_plugins Set the value to 2.

The possible values are:
0: Allow all popups from plugins.
1: Allow popups, but limit them to dom.popup_maximum.
2: Block popups from plugins.
3: Block popups from plugins, even on whitelisted sites.

நான் வளர்கிறேனே மம்மி

2005-08-03T12:21:00.000-07:00

நான் வளர்கிறேனே மம்மி ..
சில இன்றைய பிரபலங்களின் சின்ன வயசு போட்டோ இவை.எத்தனை பேரை உங்களால் அடையாளம் காண முடிகிறது ?

1

2

3

4

5

6

சினிமாவில் நடிக்கிறார் திருமாவளவன்

2005-08-01T16:49:00.000-07:00

யாரும் போடுவதற்குள் நான் போட்டு விடுகிறேன் !

விடுதலைச் சிறுத்தைகள் அமைப்பின் தலைவர் திருமாவளவன் தமிழ்த் திரைப்படத்தில் நடிக்கிறார்.

கிருபா என்பவர் இயக்கும் "அன்புத் தோழி' படத்தில் தமிழ் போராளியாக நடிக்கிறார் திருமாவளவன்.

சென்னையை அடுத்த திரிசூலம் மலைப்பகுதியில் இப்படத்தின் படப்பிடிப்பு நடந்தது. இதில் திருமாவளவன் நடித்தார்.

வெடிகுண்டுகள் வெடிக்கும்போது எதிரிகளிடமிருந்து திருமாவளவன் தப்பிக்க வேண்டும். அத்தகைய காட்சி மலைப்பகுதியில் படமாக்கப்பட்டது. மேலும், சில வசனக் காட்சிகளும் படமாக்கப்பட்டன. திருமாவளவன் வசனம் பேசி நடித்தார்.
இது குறித்து இப்படத்தின் இயக்குநர் கிருபா கூறியது:
நல்ல அனுபவமுள்ள நடிகரைப் போல திருமாவளவன் நடிக்கிறார். காதலை மையமாகக் கொண்ட படம் என்றாலும் இதில் முக்கிய "கேரக்டர்' ஒரு போரளியுடையது. அந்த வேடத்தில்தான் திருமாவளவன் நடிக்கிறார். இதில் திருமாவளவனுக்கு ஜோடி இல்லை என்றார்.

"எனக்கு நாடக, சினிமா அனுபவம் கிடையாது. ஒடுக்கப்பட்ட மக்களுக்காக போராடுகிற வேடம் இது. அதனால்தான் இதில் நடிக்கிறேன்' என்றார் திருமாவளவன்.

------------

நன்றி.. தினமணி

பெப்ரவரி 14

2005-08-01T07:13:00.000-07:00

Caution: Spoliers Ahead !!!
வழக்கம் போல

1. காதலை சொல்ல தயங்கும், கிராமத்தில் இருந்து வரும், நாயகன்
(இவர் ஏன் மெனக்கெட்டு பெண்களூர் போய் படிக்கிறார் என்று தெரியல. கல்லுரியில் எங்கும் தமிழ் , எதிலும் தமிழ்,
Project முதற் கொண்டு Farewell பாட்டு வரை. அண்ணன் வட்டாள் நாகராஜுக்கு இந்த கல்லூரி பற்றி தெரியாது போல் இருக்கிறது, களம் சென்னையாகவே இருப்பதில் என்ன கஷ்டமோ ? )

2 அழகு பொம்மையாய் நடிக்க தெரியாமல் பக்கத்தில் காதலன் இருப்பது தெரியாமல் தேடும் பணக்கார நாயகி

(பல வருடங்களுக்கு முன்னமே retire ஆகி விட்ட Magic Johnson, Jordon , எப்பவோ வந்த Phil collins பாட்டு. பிடிகிறது, contemporariesஆன Leborn James, Justin Timberlake எல்லாம் பிடிக்காது போல் இருக்கிறது இந்த 18 வயது அமெரிக்க பெண்ணிற்கு !)

3. காப்பி அடிக்க ஒரு ஆங்கிலபடம் , இதில் You Got Mail
(தெரியாத ஒருவனிடம் வரும் கடிததை வைத்து காதலிக்க தொடங்கும் நாயகி, நண்பனாய் பக்கத்தில் இருந்து கொண்டே கடிதம் எழுதுபவனை கிண்டலடிக்கும் நாயகன்.)
முதல் முறையாக நாயகி எழுதும் கடிதம் MrX எப்படி போய் சேர்ந்தது . நாயகி மறைவான இடத்தில் கடிதம் வைக்க போகிறாள் என்று MrX எப்படி தெரியும்

4 .நாயகன் குடித்து விட்டு குத்தாட்டம் போட எப்பவும் தயாராக இருக்கும் குலுக்கல நடிகை

5 காதலை வெறுக்கும் , பொம்பளை பொறுக்கி வில்லன்

நன்றாக:

1, நாயகன் மனசாட்சி யோடடு பேசிக்கொள்ளும் காட்சிகள்

2. இயல்பாய் பாசம் காட்டும் நாயகின் தாத்தா பாட்டி

3. நாயகன் வேடத்துக்கு நன்றாக பொருந்தும் பரத்

4. இரட்டை வசனம் இல்லாத நகைசுவை

5. பார்த்து தலைவலி வராமல் கழிந்த என் ஞாயிறு மதியம் !!

ஈர துண்டும் இந்தியாவும்

2005-07-28T20:20:00.000-07:00

India "hangs like a wet washcloth from the towel rack of Asia."

ஆண்டு தோறும் San Jose University , Bulwer-Lytton Fiction Contest நடத்துகிறது. மோசமான வர்ணனைகளுக்கும் $250 பரிசு வேற கொடுக்கிறார்கள். இந்த ஆண்டு ஜெயித்தவர் பெண்ணை carburetors ஒப்பிட்டு வென்று இருக்கிறார்.

இதற்கு நம்ம தமிழ் பாடல் ஆசிரியர்கள் போனால் எல்லா பரிசும் நமக்குதான்,
50 Kg தாஜ்மகால், காப்பசீனோ காபி, இப்படி எல்லாம் வேற யாரால் யோசிக்க முடியும் !!

இதில் போட்டியில் என்னை கவர்ந்தது என்னவென்றால், இந்தியாவை இப்படி ஒரிருவர் வர்ணித்துதான்

India "hangs like a wet washcloth from the towel rack of Asia."

இதற்கு Grand Panjandrum's Award கிடைத்து இருக்கிறது. ( மோசமான ஓப்பிடுக்காக !)

இந்தியா பார்க்க அப்படியா இருக்கு ?

புகைபடம் - குறிப்பு 5

2005-07-26T09:32:00.000-07:00

பிலிம் கேமராக்களில் பிலிம் படும் ஒளிக்கு ஏற்றவாறு ஒரே மாதிரியான ( fixed ) விளைவைதான் ஏற்படுத்தும். ஆகவே filters அவசியம். அல்லது பிலிம் பிராஸஸ் செய்யும் போது தேவையான விளைவு வரும் மாதிரி செய்து கொள்ளலாம். ( என் வீட்டு அருகில் உள்ள film Processing center எனக்கு ஏற்ற மாதிரி செய்து கொடுக்கிறார்கள் )

Digital Camera வில் Electronically தேவையான் white Balance கொண்டு வர முடியும், filters தேவை இந்த camera க்களுக்கு அதிகம் இல்லை.

எந்த ஓரு வண்ணத்தையும் Over -expose செய்தால் வெள்ளையாக தான் வரும்.ஆகையினால் வண்ணத்தை விட "brightness" தான் முக்கியம்.

ஒவ்வொரு வண்ணதிற்கும் ஒரு color temperature இருக்கும். ( Kevin அளவு ஞாபகம் இருக்கா ?)

ஒரு "black body" பூஜ்ஜியம் Kelvin இருந்து சூடு படுத்த ஆரம்பித்தால் , மெதுவாக இது இளம் சிவப்பாக மாறும், பிறகு ஆரஞ்ச், மஞ்சள், வெள்ளை என்று மாறி, நீலமா ஜொலிக்கும். ( அதானால் தான் காலை.மாலை படங்கள் ஆரஞ்சு வண்ணத்துடனும், மதிய படங்கள் நீலம் கலந்தும் வருகிறது )

இந்த அளவின் படி இந்த வண்ணம் வர இந்த அளவு Kelvin தேவை. உதாரணதிற்கு

மெழுகு 1500 K
சூரிய உதயம்/மறைவு 3200 K
டங்கஸ்டன் விளக்கு 3400K
மதிய வெயில் 5500K
மேகம் நிறைந்த வானம் 7000K

இதில் இருந்து நீங்கள் உபயோக படுத்தும் வெளிச்சத்தில் இருந்து என்ன மாதிரி ஆன் விளைவுகள் வரும் என கொள்ளலாம்.

சரி, Warmer, cooler color அப்படினா ?

Warmer is more orange and Cooler is more blue !!

படம் Warmer ஆக தெரிய வேண்டும் என்றால் குறைவான வெளிச்சத்தில் எடுக்க வேண்டும் ( sunset )

Cooler ஆக தெரிய வேண்டும் என்றால் அதிக வெளிச்சத்தில் எடுக்க வேண்டும் ( mid day ),

மீண்டும் மீண்டும் ஒரே பெருளை வெவ்வேறு நேரத்தில்( காலை, மதியம் , மாலை ) எடுக்க முடியாமல் போனால், தேவையான விளைவை warming filers மூலம் பெறலம் , இல்லை உங்கள் Digital கேமராவில் உள்ள white-balacing settings போதும், filters வேண்டாம்.

சரி இப்ப உங்கள் கேமராவில் overcast என்று செட் செய்தால் என்ன ஆகும் ? படம் warmer" ஆக வரும். ஏன் ? ( Zen கதை ஞாபகம் வருகிறதா ? )

Setting te white balance to sepcific color temperature, we are telling the camera the light is that color. To compensate, it artificially biases the result in opposite direction. Thus setting "cloudy" when the circumstances arent really overcast can result in images with a warmer tone.

The bootm line is that the camera will compensate for a change in how we set the while Balance by adjusting the look of the resulting image in opposite direction.

Auto WB:

Warmer Tone:

Cooler Tone:

இதை கேமரா மூலம் மட்டும் தான் மாற்ற வேண்டும் என்று இல்லை. Photo
editors எளிதாக மாற்றலாம்..

என்னால் முடிந்த அளவு தமிழில் எழுதி இருக்கிறேன். ( என் தமிழ் மொழி திறமை அவ்வளவுதான்..மன்னிச்சுக்குங்க !! )

மடியில் கனம்

2005-07-25T12:25:00.000-07:00

மடியில் கனம்

இவ்வளவு நாளாய் மடியில் கனம் இன்றி இருந்தாகி விட்டது. இப்ப வேற வழியே இல்லை. சுமந்து தான் ஆக வேண்டும்.

இவ்வள்வு நாளாய் second-hand ல் வாங்கிய Win-98 பழய Gateway Desktop காலம் தள்ளி ஆகிவிட்டது.

ஆஸிக்கிட்ட அடிவாங்கிய இங்கிலாந்து மாதிரி நேற்றில் இருந்து படுத்து கொண்டு விட்டது.

கடைக்கு போனால் Upgrade விட புதிதாய் வாங்குவதுதான் நல்லது என்று தோன்றியது. வாங்குவது Laptop இருந்தால் நல்லத்ய் போல தோன்றுகிறது..

புதிதாய் வாங்கும் Laptop ல் Configuration என்னவெல்லாம் இருக்க வேண்டும். கொஞ்சம் உதவி Please.

இதை எல்லாம் மன்றத்தில் கேட்டால் உதைப்பார் களா?

டோனி பிளேயர் , $3130

2005-07-24T22:15:00.000-07:00

டோனி பிளேயர் , $3130

$3130 !! இதுதான் கடந்த 6 வருடமாக டோனி பிளேயர மேகப்பிற்காக செலவிட்ட தொகை

இதில் (US$1,826.66) ஒப்பனை சாதங்களுக்கும், US$1,376.14 ஒப்பனை ஆட்களுக்கும் செலவிட பட்டுள்ளது..

இது என்ன பெரிய விசயம், நாங்கள் கோடி கணக்கில் இதெல்லாம் பார்த்து விட்டோம் என்கிறிர்களா1

ஆயிரம் செருப்புகளையும், நடிகரின் கட் அவுட்களும் , மாநாட்டு வசூலகளும் ,கோடி கணக்கில் செலவு செய்யும் கல்யாணங்களுக்கு முன்னால் வெறும் 1.5 லடசத்துக்கா இந்த கலாட்டா ?.

அ ! ஆ !! அய்யோ !!!

2005-07-20T15:47:00.000-07:00

அ ! ஆ !! அய்யோ !!!

ரஹ்மானின் "அ ஆ" கேட்டீர்களா ?

கடைசியாய் ரஹ்மான் கொடுத்த நல்ல பாட்டு எப்போ என்றே மறந்து விடும் போல் இருக்கு.
கல்லூரியில் ரோஜா முதல் தடவை கேட்ட போது அசந்தது இன்னமும் ஞாபகம் இருக்கு. ( இளையாராஜவின் தொண்டன் என கூறிக் கொள்ளும் என் அறை நண்பன் தவிர) என் நண்பர்கள் எல்லோரும் இவர்தான் இளையராஜாவுக்கு போட்டி என் பேசிக்கொண்டோம்.

இந்திக்கு போனதும், பாம்பே டீரிம்ஸ் என்று போன பிறகு தமிழில் அவ்வளவாக கவனம் செலுத்தாத போதிலும் ரஹ்மான் பாட்டு என்று கேட்க தோண்டும் .

இவருக்கு என்ன ஆச்சு இப்போ ? என் ரசனை மாறி விட்ட மாதிரி என்க்கு தெரியவில்லை. இல்லை SJ சூரியா போன்றவர்களுக்கு இந்த அளவு போதும் என்று தூக்கத்தில் இசை அமைத்து விட்டாரா ?

இதில் மதுஸ்ரீ , சாதனா சர்கம் போன்றவர்களின் தமிழ் கொலை வேறு.
SPB யும் ஷ்ரேயா வும் ஒரு பாட்டை காப்பாற்றி இருக்கிறார்கள்.மற்றவற்றை கேட்டு விட்டு அ ஆ என்று காதை பிடித்து கொண்டதுதான் மிச்சம்.

ஈழ தமிழ், சில சந்தேகங்கள்

2005-07-20T07:33:00.000-07:00

ஈழ தமிழ் - சில சந்தேகங்கள்..

எனக்கு ஈழ தமிழ் அவ்வளவு பரிச்சயமில்லை.

இதுவரை படித்ததில் சில சந்தேகங்கள்...

ஏன் "ட" எல்லாம் "ர" ஆகி விடுகிறது.. உதாரணமா டீவி என்பதி ரீவி ?
ஆனால் சில சமயம் "ற" , "ட" மாறுகிறது.. ( இன்றைக்கு - இண்டைக்கு )?
ஜெர்மனி ஏன் யேர்மனி ஆச்சு ? எல்லா "ஜ" வும் "ய" ஆக மாறுமா?
ஈழத்தின் எல்லா பாகங்களிலும் இதே வகை தமிழ்தானா?

இடங்களுக்கு ஏற்றவாறு மொழி மாறுதல் இயல்பு..
முதலில் படிக்க கடினமாக இருந்தாலும் பழகியப்பின் இனிமையாக இருக்கிறது..

எனக்கு இது தேவையா ?

2005-07-19T10:10:00.000-07:00

எனக்கு இது தேவையா ?
ஒழுங்கா படம் காட்டினோமா , புகைபடத்தை பற்றி கொஞ்சம் தெரிந்தத எழுதினோமா என்று இருத்த நான் நேற்று எதையோ எழுத போய் வம்பாகிவிட்டது.

UCLAவில் MBA படித்து வரும் நண்பனோடு பேசி கொண்டு இருந்த போது Onine advts மட்டும் வைத்து இனையதள்ம் நடத்த முடியுமா என்ற பேச்சு வந்தது.

இங்கே சிலர் blogல் கூகுள் விளம்பரங்கள் வைத்து இருப்பதை பார்த்து , இதனால் நன்மை இருக்க்கா என்று ஒரு பதிவு எழுதினேன் .
அது எங்கு எங்கோ போய் கடைசியில் தனி மனித சண்டை ஆகிவிட்டது.

அரசியலில் இது எல்லாம் சகஜம்பா என்று நிறய பேர் சொல்வது கேட்கிறது..

கார் ரேஸ் வேண்டாம் என்று திரும்பி வந்து விட்ட தோழர் அஜித் போல, ( அவரும் நானும் கில்லி விளையாடும் படத்தை அடுத்த பதிவில் போடுகிறேன்.. கில்லி என்றவுடன் தோழர் விஜய் உடன் எடுத்த படத்தையும் போட வேண்டும்.. என்ன செய்வது.. ஏகப்பட்ட celebrity Friends நமக்கு.. இது இப்படியே ego-trip மாக மாறி விடுவத்ற்குள் விஷயத்திற்கு வ்ருவோம்.. Name dropping இல்லாத ஒரே Brain-dropping நம்ம பதிவுதான்.. ! )

தேவை இல்லாம் இந்த மாதிரி பதிவு எழுதுவத விட்டு ,காட்டு தீயாய் உலகமெல்லாம் பரவி வரும் புதிய பமக வுக்கு எனது உடல் பொருள் கொட்டாவி எல்லாம் செலவிட முடிவு செய்து விட்டேன்..

இனி எனது முதற் குறிக்கோள் 2012ல் ஆட்சி கலைப்பதே சீய்.. சீய்... அமைப்பதே .

கழக கண்மணிகளே சண்டை வேண்டாம்.. கட்சி முன்னேற பாடுபடுங்கள்..

PC ஸ்ரீராம் நாமம் வாழ்க. !!! புதிய பமக வளர்க !!!

உங்களை அடுத்த படம் போடும் பதிவில் மீண்டும் சந்திக்கும் வரை ....

கூகுள் விளம்பரங்கள்

2005-07-18T16:30:00.000-07:00

வலைபதிவுகளுக்கு நான் கொஞ்சம் புதிது. நிறய வலைபதிவுகளில் கூகுள் விளம்பரங்கள் புகுத்த பட்டு இருக்கிறதை பார்க்கிறேன்.. இது உண்மையிலே உபயோகமானது தானா?

எதற்காக விளம்பர்ங்களை வலைபதிவர்கள் அனுமதிக்கிறார்கள் ?
Counters பற்றி என்னால் புரிந்து கொள்ள முடிகிறது. IP address வைத்து Hack பண்ணாவிட்டாலும் ,
நம் வலைபதிவுக்கு வரும் எண்ணிக்கை பார்த்து தெரிந்து கொள்ளவாவது முடியும்..

இதை தவிர்க்க வசதி இருந்தும் ஏன் விளம்பரங்கள் அனுமதிக்க படுகின்றன ?

வருமானத்திற்கா?
நிச்சயம் இதனால் உங்களுக்கு வருமானம் வருகிறதா?

Online advertising பற்றி நன்பர் ஒருவர் கட்டுரை ஒன்று எழுத போவதாக சொல்லி இருந்தார்.

இந்த விளம்ப்ரங்களை பற்றி சக வலைபதிவரகளான நீங்கள் என்ன நினைக்கிறீர்கள் ??

இது சரியா தவறா என்று விவாதிக்க வேண்டாம்.. விளம்பரங்களை வைக்க ஏதெனும் காரணங்கள் இருக்கா?

புதிய பமக உதயம்

2005-07-17T08:05:00.000-07:00

அன்பு ரத்ததின் ரத்தம் ஆன உடன்பிறப்பே,

தாத்தா ஆகி விட்ட பின்னும் சிவாஜி ராவ் கெய்க்வாட் கட்சி ஆரம்பிக்காமல் காலம் கடத்திவரும் போது நாம் உடனடியாக கட்சி ஆரம்பிக்கும் அவசர நிலையை இங்கே எடுத்து கூற விழைகிறேன்

"Blog பண்ண மேட்டர் ஒன்னும் கெடக்கலேன்னா, செல பெரிய தலங்க படம் காட்டுவாங்க;"
"இது வெறும் படம் போடும் பதிவல்ல... Blog matterகளின் சாம்ராஜ்ஜியம் "

என்று சிலர் படம் காட்டும் பதிவுகளை ஏளனம் கூறி வருகின்றனர்.

நாம் என்ன கலிங்கத்து பரணி படிக்காத கார் இருளா ?
புற நானுறு தெரியாத புண்ணாக்கா?
ஜாதி அரசியல் பண்ண தெரியாத ஜாக்கலா?
நடிகர்களுக்கு ஜால்ரா அடிக்க தெரியாத நாக்கு பூச்சிகளா ?

ஆகவே கேமரா கவிஞர் , தாடி வைத்த தங்கம் அண்ண்ன் Dr P.C. ஸ்ரீஇராம் ஆசியோடு நமது புதிய கட்சியான படம் மட்டும் (காட்டும்) கழகம், நமது ஆஸ்தான மலையாள ஜோசியர்
குறித்து கொடுத்த நேரப்படி வரும் 20ம் தேதி இரவு 11;45 மணிக்கு உதயமாக இருக்கிறது

இதற்காக சேலம் அருகே 77 ஏக்கர் நில பரப்பில் மாநாட்டு வேலைகள் ஆரம்பித்து விட்டன.நெற்றியில் பூசி கொள்ளவும் இட்லி தோசைக்கு தொட்டு கொள்ளவும் மாநாட்டு மண் பொட்டலங்களா மாநாட்டு வாசலில் விற்கபட்டு வருகிறது..

கட்சிக்கு வேற பெயர் கிடைக்கவிலையா என நீ கேட்க கூடும்.. காங்கிரஸ் (I) காங்கிரஸ் (U)இருந்த்தில்லையா? அதே போல பமக (P ) என்று வேண்டுமானால் மற்றவரகள் அழைத்து கொள்ளட்டும்..

கட்சியின் கொடி , கொள்கைகள் பற்றி மாநாட்டில் நமது (ஆ) பாச பேச்சாளர் "கணிபொறி" ஏழுமுகம் பேச இருக்கிறார்.
கொள்கை பரப்பு செயலாளர் பதவிக்கு திர்ஷாவும் அஸினும் சண்டை இட்டுவருவதை ஜீனியர் விகடன் கழுதையார் பெட்டி செய்தியாய் வெளியிட்டு இருப்பதை நீ படித்து இருப்பாய்..

கட்சி வளர்ச்சிக்காக மாவட்டம் தோறும் தீக்குளிக்க இளைஞர் பட்டாளம் தயாராக இருக்கிறது..

நேற்று 35mm கேமரா
இன்று Digital SLR
நாளை ஆட்சிபீடம் !!!
என்று ஆன்டவன் சொல்வதை இந்த "பமக" காரன் செய்து முடிப்பான்..

அலைகடல் என திரண்டு வா ... புதியதோர் படம் காட்டுவோம் !!!

================

அப்பாடா எல்லோரையும் திட்டியாகிவிட்டது..
கட்டுகோப்பா(?!!) இருக்கும் பமக உடைத்து விட்டது போல எழுதியாகி விட்டது
சோனியாவை ஜெ சொந்த பேர் சொன்னது போல தலைவர ரஜினியும் சொல்லியாச்சு
இன்றைகான பதிவும் முடிச்சாச்சு

----

-------------------------
Right Click Here and save target for PDF version

மொழி பெயற்பில் தொலைந்தவை

2005-07-16T07:13:00.000-07:00

சில நாட்களுக்கு முன் ஒரு பதிவில் தமிழ் திரைபட பாடல் வரிகள் எவ்வளவு மோசமாக ஆங்கிலமாக்க படுகின்றன என்று எழுதி இருந்தார்கள்..
அதற்கு இன்னும் ஒரு உதாரணம் இங்கே..
கீழே உள்ள ஆங்கில வரிகளை பாருங்கள்...
இது எந்த பாட்டு என்று உடனே நீங்கள் கண்டு
பிடித்து விட்டால் நீங்க தமிழ் படங்கள் நிறைய , DVD யில் sub-title உடன் பார்க்கிறீர்கள் போல...

Bundle of Greens, Invigorating Embrace
Uproot me, my love
You’ll ask for the greens, and the invigorating embrace
Take a flight into bliss, my dear

Take me to a lonely place
Kiss me and have me
Butt me like in a taming bull game, my dear
Bundle of grass, blindfold the calf

Clear off with your wares, my dear
Shall I give in, discarding my shyness?
Come my dear packet of crackers
I’ll buy a single rocket for you.

------------------------------------------------------------------
நன்றி.. minorscale

புகைபடம் குறிப்புகள்.. 3

2005-07-14T10:04:00.000-07:00

பகுதிகள் ஒன்று, இரண்டு

தொடர்ச்சியாக...

கேமராவின் லென்ஸ் எவ்வளவு பெரியதாயும், எவ்வளவு நேரத்திற்கு திறந்து இருப்பதும் பிலிம் எவ்வளவு Expose ஆகி இருப்பதை நிர்ணயிக்கின்றது.
லென்ஸ் எவ்வளவு திறந்து இருக்கும் என்பதை Aperture settings கட்டுபடுத்துகிறது. எவ்வளவு நேரத்திற்கு திறந்து இருப்பது என்பதை Shutter Speed மூலம் கட்டுபடுத்தலாம்..

பல Aperture + Shutter settings மூலம் ஒரே அளவிலான Exposure கிடைக்க செய்யலாம்.

Aperture எதுக்கு வேணும் , எப்படி மாற்றணும் பற்றி முதல் இரண்டு பகுதிகளில் பார்த்தாச்சு..

Shutter settings எதுக்கு வேணும் , எப்படி மாற்றணும் ?

Shutter settings பொதுவாக நொடிகளில் குறிக்கபடுகிறது.. 2 sec, 4 sec, 1/20 sec, 1/800 sec. என்று..

8 s ( slow shutter speed ) என்றால் shutter 8 நொடிகள் திறந்து இருக்கும் இதே போல 1/800 s ( fast shutter speed ) வைக்கும் போது வெறும் 1/800 அளவிற்கே திறந்து இருக்கும்..

fast shutter speed ஒடும் பொருளை freeze செய்து காட்டும், slow shutter speed வேகத்தை காட்டாது.

slow shutter speed , இருட்டில் எடுப்பதற்கு மிகவும் உபயோகபடும் ( வாண வேடிக்கைகள், பெரிய கட்டங்கள் )...

fast shutter speed விளையாட்டிற்கு, வேகமாக நகர்பனவற்கும் ( பறவை, அலை .. )

சில இரவு புகைபட்ங்களுகான shutter and aperture values

கட்டங்கள் வானில் கொஞ்சம் நீலம் 1/15 sec ,f/5.6
இருக்கும் போது

கட்டங்கள் இருட்டிய பிறகு 4 sec, f/5.6

திருவிழா, கேளிக்கைகள் 1/4 sec, f/5.6

நன்று ஓளியூட்டபட்ட கட்டங்கள் 1/4 sec to 1/15sec ,f/4

வாண வேடிக்கைகள் 8 sec, f/11

நியான் விள்க்குகள் 1/4 sec, f/4

உதாரணததிற்கு இந்த புகைபடங்களை பாருங்கள்...

வாணவேடிக்கைகள்..

இரவு கட்டங்கள்

வேக புகைபடங்கள்..

-------------------------
Right Click Here and save target for PDF version

வால் பையன்..

2005-07-11T09:23:00.000-07:00

இந்த 11 மாத குழந்தைய அனுமாரின் உருவமாக மக்கள் பார்க்கிறார்கள் . வால் 4 இன்ச் அளவு ..இந்த குழந்தையயின் தாத்தா இக்பால் குரேஷி கோயில் கோயிலாக சென்று இந்த குழந்தையை காட்டி கொண்டு இருக்கிறார்..அனுமாரை போல இந்த குழந்தையின் உடலிலும் 9 இடங்களில் புள்ளிகள் இருக்கிறதாம்..இந்த குழந்தையை பார்க்க மக்கள் வரிசையில் நின்று காசு கொடுத்து கொண்டு இருக்கிறார்கள்...
ம்ம்ம்.. பண்ம் பார்க்க என்ன என்ன வழிகள் இந்த நாட்டில்...

-----------------------

The Tribune.

-------------------------
Right Click Here and save target for PDF version

புகைபடம்.. சில உதாரணங்கள்

2005-07-10T19:38:00.000-07:00

புகைபடம்.. சில உதாரணங்கள்

முதலில் பெரிய Aperture .. சின்ன f-stop ( f/3.1) .. இதில் பூ மட்டும் தெளிவாக

இரண்டாவதில் சின்ன Aperture.. பெரிய f-stop ( f/7.9 ) ...வித்தியாசம் நன்றாக தெரிகிறது..

புகைபடம்.. குறிப்புகள்--2

2005-07-09T14:48:00.000-07:00

புகைபடம்.. குறிப்புகள்--2

இது ஏற்கனவே எழுதிய பாகம் 1ன் தொடர்ச்சி...

Depth of Field (DOF) மற்ற இரண்டு வழிகளில் கட்டு படுத்தலாம்.

Focal length of the lens
Distance between the subject and camera..

முதலில் லென்ஸ்..
லென்ஸ் நிறய focal lengthல் கிடைக்கிறது..சாதரணமான point & shoot கேமராவில் 35mm லென்ஸ் இருக்கும். மனித கண்ணின் கிட்டதட்ட focal length இது. ஆனால் கேமரா உலகில் 50 mm லென்ஸ் அடிப்படையாக கருதப்படுகிறது..

லென்ஸ் இரண்டு வகையாய் கிடைக்கும்.. Fixed lens ( 50mm .. ) அல்லது Zoom lens ( 28mm- 80mm, 70mm-300mm ).. Wide angle lens 28mm அளவில் இருக்கும்.. Telephoto lens 200 mm அளவில் ..

எப்ப எதை பயன்படுத்துவது...

28 mm உங்களுக்கு Deep DOF வேண்டும் போது.. உதாரணதிற்கு, ஒரு இயற்கை காட்சி ( மலை, ஆறு ) எடுக்கும் போது..

300mm உங்களுக்கு shallow DOF வேண்டும் போது.. உதாரணதிற்கு தொலைவில் இருக்கும் ஒரு ரோஜா மலர்.

28 mm lலென்ஸில் பார்க்கும் போது ஒவ்வொரு பொருளும் அதன் முன்னால் பின்னால் இருக்கும் பொருளும் ஒன்றுக்கு ஒன்று தொலைவில் "elongated " இருப்பது போல தோன்றும்..
300 mm பார்க்கும் போது அவை ஒன்றுக்கு ஒன்று அருகில் ( "compressed" ) இருப்பது போலதோன்றும்.. இதற்கு பெயர் "Compression Factor "
சரி.. நம்ம theoryல் இருந்து practical க்கு வருவோம்..
முதலில் படத்தில் எந்த பகுதி focusல் இருக்க வேண்டும் என முடிவு செய்ய வேண்டும்.. foreground, the middle ground, or the background

Wide Angle lens ( 28mm ) உபயோக படுத்தீனர்கள் எனில் எந்த பகுதியை focus செய்தாலும் பெரிய வித்தியாசம் இருக்காது . ( எல்லாம் கிட்டதட்ட sharp வே இருக்கும் ! )

Telephoto( 200mm-300 mm ) த்தில் நிறய வித்தியாசம் தெரியும் ,
ஏன் ? மேல சொன்ன Compression Factor தான் காரணம்.

28mm எடுக்கும் போது ( பெரிய Aperture ( =சின்ன f-stop, f/4 ,f/5.6 ) உபயோக படுத்தினாலும் ) lens focus செய்யும் பகுதி நிறய.. ஆகையால் சரியாக எந்த பகுதியை focus செய்யா விட்டாலும் படம் Deep DOF வோடு வரும்..

ஆனால் 300mm ல் (சிறிய aperture (= பெரிய f-stop f/11. f/16 ) உபயோக படுத்தினாலும் ) lens focus செய்யும் பகுதி சிறியது. ((foreground to background).
ஆகையால் எந்த பகுதி வேண்டுமோ அதை சரியாக focus செய்யா விட்டால் படம் நீங்கள் நினைத்த மாதிரி வராது..

காஞ்சி பிலிம்ஸ் கேட்ட கேள்விக்கு பதில்.. 1-5 மீ , 10 மீ-infinity out of focus , 5-10 மீ in focus வர என்ன செய்ய வேண்டும்?
இதில் இருந்து பதில் கிடைத்து இருக்கும் என்று நம்புகிறேன்..
ஓரு telephoto லென்ஸ், பெரிய aperture ( = சின்ன f-stop ) வைத்து middle plane - focus செய்வதின் மூலம் எளிதாக இதை அடையலாம் .

எடுத்து பாருங்கள்.. Digtial Camera இருந்த்தால் மிகவும் எளிது.. எவ்வளவு சரியான aperture வேண்டும் என்பதை 2,3 முறை மாற்றி எடுப்பதில் கண்டு கொள்ளலாம்...

சரி, Shutter speed எதுக்கு வேண்டும். ???

Some Examples:
ShallowDOF:

Deep DOF

-------------------------
Right Click Here and save target for PDF version

மாட்ரிக்ஸ்(Matrix) 101

2005-07-08T19:40:00.000-07:00

இந்த முறை பிறந்த நாளுக்கு வந்த பரிசுகளில் ஒன்று Matix படத்தின் முன்று பாகங்களின் DVD .போன வாரம் தான் மூன்று படங்களையும் ஒரே நேரத்தில் வரிசையாய் பார்க்க முடிந்த்து.. சண்டை, Graphics, போனற ஜிகினா க்கு பிறகு, என்னதான் சொல்ல வராங்கன்னு ஒரு குழப்பம் தான் மீதி...
Neo-க்கு என்ன ஆச்சி கடைசியில்? Agent Smith தோத்தானா ? Matix அழிஞ்சதா ? அந்த சின்ன பொண்ணு சதி யாரு ? Deus Ex Machina யாரு ? Matrix Version 7 க்கு என்ன அர்த்தம்..? Oracle நல்லவளா , கெட்டவளா ? ம்ஹ¤ம்.. ஒன்னும் புரியலை...
ஒரு படத்தை பாத்தமா, அதை மறந்தமான்னு இல்லாம, என்னை போல வேற வேலை இல்லாம படத்தை பற்றி கொஞ்சம் நிறையவே தெரிந்து கொள்ள இங்க போய் பாருங்க...

matrix101 ..

2005 லீப் நொடி ( leap second )

2005-07-08T11:52:00.000-07:00

2005 வருடதிற்கு 1 நொடி கூடுதல்.
பூமி இந்த வருடம் மிக மிக மிக மெதுவாக செல்வதால்..
உலகில் இப்ப இருக்கும் 6,452,384,783 மனிதரோடு பெருக்கினால் மொத்தம் 204 மனித வருடங்கள்...( அல்லது 1,788,264 , billable hours for attorneys !)

இந்த ஒரு நொடியை எப்படி உபயோகமாய் பயன்படுத்துது ?

தொலைகாட்சி பார்த்து வீணாக்காதீர்கள்...
தூங்கி விட வேண்டாம்...
நல்ல சிறிய புத்தகமாய் படிக்கலாம் ( பொன்னியின் செல்வன் ? )
அந்நியன், சந்திரமுகி பற்றி தமிழ்மணத்தில் சண்டை போட்டு வீணடிக்க வேண்டாடம்..
ஒரு நொடியை எப்படி உபயோக படுத்தலாம் பற்றி எழுத படுவதை படிக்க வேண்டாம் ( OOPS ..Too late ! )

-------------------------
Right Click Here and save target for PDF version

புகைபடம்.. சில குறிப்புகள்..

2005-07-08T07:15:00.000-07:00

எது நல்ல புகைபடம்??

இதற்கு சரியான பதில் இருக்குமா என்று தெரியவில்லை..ஒரு காட்சியை பார்க்கும் போது, புகைபடமா எடுக்கும் நீங்கள் என்ன உணர்தீர்களோ,அதை படத்தை பார்க்கும் அனைவரும் உணர்ந்தால் அதுதான் நல்ல புகைபடம் என்று எனக்கு தோன்றுகிறது

. சரி, நீஙகள் பார்த்ததை எப்படி புகைபடமாக மாற்றுவது.?

என்னால் எந்த அளவிற்கு இதை தமிழில் எழுத முடியும் என்று தெரியவில்லை.மொழி பெயற்புக்கு நான் மெனகெடவும் போவதில்லை. இவை நான் இது வரை படித்ததில் கொஞ்சம் புகைபடம் எடுத்தில் கற்று கொண்டவை. தவறு இருந்த்தால் சுட்டி காட்டுங்கள்.. ..

முதலில் Depth of Field : (DOF ) என்றால் என்ன ?
The zone of acceptable sharpness is referred to as the depth of field.
தொலைவில் ஒரு பொருளை lens வழியாய் பார்க்கும் போது, பொருள் இருக்கும் அதே தொலைவில் உள்ள அனைத்து பொருட்களும் focus ல் இருக்கும்.அதாவது தெளிவாய்( sharp ) தெரியும். .உங்களுக்கு எந்த அளவு sharpness தேவை ?

உதாரனதிற்கு நீங்கள் தாஜ்மகால் முன்னால் ஒருவரை நிறுத்தி படம் எடுக்கிறிர்கள் ..படத்தில் தாஜ்மகாலும் , முன்னால் நிறபவரும் தெளிவாய் தெரிய வேண்டும்.. இது Deep Depth of Field.சரி.. ஒரு ரோஜா மலரை படம் எடுக்க வேண்டும்.. ஆனால் அதை சுற்றி பக்கத்தில் இருக்கும் முள், இலை , மண் இவை எல்லாம் தெளிவாய் தெரியவேண்டாம். படத்தில் ரோஜா மட்டும் தெளிவாய் மற்றவை எல்லாம் ம்ங்கலாஉ தெரிய வேண்டும்.. இது Shallow Depth of Field ..
DOF கட்டு படுத்த தேவையான Control, கேமாராவில் உள்ள Aperture Settings (F Stops ).

Aperture எவ்வளவு ஒளி கேமராவிற்குள் அனுமதிக்க படுகிறது என்பதை கட்டு படுத்துகிறது..
F-stops வரிசை இது: 1.8, 2.8, 3.5, 5.6, 8, 11, 16 and 22. ஒன்று மற்றதை விட 2:1 என்ற விகிததில்..
f/5.6 இருந்து f/8 மாற்றினால் ஒளியின் அளவு 2 மடங்காக குறைக்கபடும்.. மாறாக f/5.6 இருந்து f/4 மாற்றினால் ஒளி இரண்டு மடங்கு அதிகமாகும்.. மேல சொன்ன உதாரனமான தாஜ்மகாலுக்கு ,சிறிய Aperture வேண்டும். நினைவில் கொள்க..
The funny thing about F-stops is that the higher the number, the smaller the opening.
ஆகையால் இதற்கு f/16 போன்ற f-stop தேவைபடும்...
அதே போல் ரோஜா படத்திற்கு பெரிய Aperture வேண்டும் ( = சிறிய f-stop number ) உதாரனதிற்கு f/2.8 ..
DOF மற்ற இரண்டு வழிகளாலும் கட்டு படுத்தலாம்.. அது மற்ற பதிவுகளில்..

-------------------------
Right Click Here and save target for PDF version

திருவாசகம்.. புது படம்??

2005-07-07T10:49:00.000-07:00

ஒரு வழியாய் திருவாசகம் கேட்டாகி விட்டாச்சு. எல்லோரும் இதை பற்றி நிறய எழுதி விட்டதால் புதியதாய் சொல்ல என்ன இருக்கிறது.. இன்னும் கொஞ்சம் நேரம் இருந்து இருக்கலாம், மற்றவர்களை பாட வைத்து இருக்கலாம், போன்றவற்றை விட்டு விட்டால்,திருவாசகம் கேட்க மிகவும் இனிமையாகவே இருந்த்து எனக்கு !
தமிழ் பற்றி ஒன்றும் தெரியாத என் மனைவி நான் திருவாசகம் கேட்டு கொண்டு இருக்கிறத பார்த்து கேட்டாள்..

" Thir Vasak ? Is that a new Movie ?? "

ஆமாம்.. அடுத்த வெள்ளிகிழமை ரிலீஸ் . உன்னை கட்டாயம் அழைத்து போகிறேன்

என்று சொல்லி வைத்து இருக்கிறேன்..

-------------------------
Right Click Here and save target for PDF version

ஜுலை 4 வாண வேடிக்கைகள்

2005-07-05T09:29:00.000-07:00

ஜுலை 4 வாண வேடிக்கைகள்..வழக்கம் போல இந்த முறையும் ஜுலை 4 வாண வேடிகைகள்,பாட்டு, ஆட்டம்...வீட்டுக்கு எதிர்ல் உள்ள விளையாட்டு திடலில் நடந்த வாண வேடிக்கைகளில் இருந்து சில புகைபடங்கள்...

(Click on the images for a bigger resolution )

ஒரு கிசு கிசு

2005-07-04T12:07:00.000-07:00

மூன்றெழுத்து நாயகியின் முன்னாள் காதலன் சமீபத்தில் மரணத்தைத் தழுவியது பழைய கதை. இந்தச் செய்தியை காதலரின் நண்பர்கள் நடிகையின் கவனத்திற்குக் கொண்டு சென்றிருக்கிறார்கள். ஆயிரம்தான் காதலரை விட்டு தூரமாக விலகி வந்திருந்தாலும், நடிகையிடம் துளி ஈரம் ஒட்டிக் கொண்டுதானிருக்கிறது. இதனால் நிஜக் காதலருக்காக சில சொட்டுகள் கண்ணீர் வடித்தவர், ""நான் அவன்கூட ஃபிரெண்ட்ஷிப்பாதான் பழகினேன். அத்த தப்பா புரிஞ்சுகிட்டான். ஏன் இப்படி ஒரு முடிவை எடுத்தான்னு தெரியலை'' என்று நண்பர்களிடம் பூசி மெழுகி அனுப்பிவிட்டாராம். ""

தமிழன் எக்ஸ்பிரஸில் படித்தது !

எந்த நடிகராவது இறந்து போய் விட்டார்களா ? யார் இந்த நடிகர் நடிகை ?
ஆமா நாட்டுக்கு இது ரொம்ப முக்கியம் என்கிறிர்களா ?
நீண்ட வார விடுமுறை, வெளிய பயங்கர வெயில்... வேற வழி இல்லாம இந்த கிசு கிசு எல்லாலம் படித்து கொண்டு இருக்கிறேன் ..
நிறய சினிமா ரசிகர்கள் இஙக இருக்கிறது பதிவுகளை படித்தாலே தெரியுது..யாருக்காவது தெரிந்து இருக்குமா...

பேர் தெரியாத ஒரு பூ

2005-07-03T21:32:00.000-07:00

இந்த பூவின் பெயர் தெரியவில்லை.. Rose is a Rose இந்த பூ ரோஸ் இல்லை என்றாலும் !
Botany party கள் யாராவது இருக்கிறிர்களா இங்கே ?
¦தெரிந்தால் சொல்லுங்களேன்

( ISO-50, f/5.8 , 1/23sec Soft Focus )

( Click on the image for a higher resolution.)

மாலை தருணங்கள்

2005-07-03T00:41:00.000-07:00

கோடை கால கொதிக்கும் சூரியன் ஓய்வெடுக்கும் நேரம்

மாலை தருணங்கள் சூரிய அஸ்தமன காட்சிகள்

(Click on the images for a bigger resolution )

இளைய ராஜாவும் Black Eyed Peas

2005-07-01T15:45:00.000-07:00

ராகவேந்தர் படத்தில் ஜானகி, மற்றும் வாசுதேவன் பாடிய உனக்கும் எனக்கும் பாடல் இங்கே .

Black Eyed Peas இப்பொ ஒரு முன்னனி இசை குழு. இப்ப நம்பர் 1 பாடல் அவங்களுதுதான்.

அவங்களின் The Elephunk Theme இங்கே. ( Track 11 )

நீங்க கேட்டு பார்த்து முடிவு பண்ணிக்கங்க...

இது கொஞ்சம் பழய செய்தி தான் என்றாலும், நம்ப ஆட்கள் மற்றவரிகளிடம் காப்பி அடிக்கிறார்கள் என்பதை மட்டும் சுட்டி காட்டும் மக்கள் இந்த மாதிரி செய்திகளை ஏன் இருட்டடிப்பு செய்கிறார்கள்.. இதில் ராஜா Western Music தேவை இல்லாம கலக்கிறார்ன்னு குற்றசாட்டு வேற..

(Black Eyed Peas வேற ஒரு பாட்டு Dont Phunk With my Heart . இது அப்பட்டமான ஒரு பழய இந்தி பாட்டின் காப்பி என்பது கூடுதல் செயதி. அந்த பாட்டுதான் இப்போ நம்பர் 1. !! )

----

itwofs

-------------------------
Right Click Here and save target for PDF version

தொலைந்த கனவுகள்

2005-06-30T20:30:00.000-07:00

தொலைந்த கனவுகள் (Mulholland Drive)

கொஞ்ச நாள் ( 2001ல் ) முன்பு வந்த இந்த படத்தை நேற்று மீண்டும் டிவியில் பார்க்க நேர்ந்தது..முதல் முறை பார்த்த போது ரொம்பவே குழப்பிய படம். ஏகப்பட்ட விருதுகளை ( OSCAR தவிர ) வாங்கிய படம் என்பதால் மீண்டும் பார்க்க தூண்டியது. எத்தனை பேருக்கு இந்த படம் முதல் முறை புரிந்த்து என்று தெரியவில்லை.
கதை சுருக்கம் இது தான்...
நடிக்க ஆசை பட்டு Hollywood வரும் ஒரு இளம் பெண், விபத்தில் சிக்கி அம்னிஷியாவால் பாதிக்க படும் ஒரு பெண்ணை சந்திக்கிறாள். இரண்டு பேரும் சேர்ந்து அம்னிஷியா பெண் பற்றி ஆராய்கிறார்கள். ஏகபட்ட குழப்பங்கள், சூடான "fire( ?!?)" காட்சிகளும், ஒரு நீல பெட்டி , ஒரு டைரக்டர், இரவு விடுதி என்று ஒன்றுக்கு ஒன்றுக்கு புரியாத காட்சிகள்.. நிறய மர்மங்கள்... எதிர்பார்க்காத, குழப்பக் கூடிய ஒரு முடிவு என கதை.
முழு கதையையும் சொல்ல போவதில்லை.. ஏற்கனவே பார்க்காவிட்டால் பாருங்கள்.. கதை முதல் முறையே புரிந்து விட்டால், நீங்கள் நிச்சயம் ஒரு நல்ல சினிமா ரசனை உள்ளவர் என்று முதுகில் தட்டி கொள்ளலாம்...

( தொலைந்த கனவுகளுக்கும், Mulholland drive என்ற தலைப்புக்கும் என்ன சம்பந்தம் என்று படத்தை பார்த்தால் தெரியும் )

-------------------------
Right Click Here and save target for PDF version

ஈரானிய அதிபர் தீவிரவாதியா ?

2005-06-29T16:08:00.000-07:00

ஈரானின் புதிய அதிபர் Mahmoud Ahmadinejad . இவரை பற்றி ஏகப்பட்ட பிரச்சனைகள்.1979 அமெரிக்க Embassy முற்றுகையில் இவர்தான் முன்னால் இருந்தாராம்... வரைபடத்தில் இந்த பக்கம் ஆப்கானிஸ்தான், அந்த பக்கம் ஈராக். நடுவில் ஈரான் மட்டும் தான் பாக்கி..

இதை சாக்கா வைத்து கொண்டு புஷ் இன்னொரு போரை ஆரம்பித்து விடுவரோ ?ஈராக்கு WMD, இஙக இதுவா ?

இன்னொரு போரை தடுக்க முடியுமா ?

அமெரிக்க பிணை கைதிகளுடன் ( circa 1979 )....

-------------------------
Right Click Here and save target for PDF version

புதிய WTC

2005-06-29T09:59:00.000-07:00

புதிய WTC கட்டட மாதிரி..( Freedom Tower)
------

CNN

மஞ்சள் பூக்கள்

2005-06-28T20:10:00.000-07:00

மஞ்சள் பூக்கள்

click on the images for a bigger view.

திருவாசகம், பாப்கான, இளைய ராஜா

2005-06-28T09:26:00.000-07:00

சப்த ஸ்வரங்களை வைத்து ‘டகடமா’ என்று பாட்டுப் போடறதும், திருவாசகத்திற்குப் போடுவதும் ஒண்ணுதான். சோளம் நல்ல ஊட்டச்சத்துள்ள மருந்துதான். அது பாப்கானாக அதிகமா போகுது. போனால் போகட்டுமே
என் திருவாசகம் 100 வருடங்களை கடந்து நிற்கும்... .

இது நான் அணு அணுவாக ரசித்து, வெளிநாடுகளுக்கெல்லாம் போய் ரிக்கார்டிங் செய்தது. எனக்கு இருக்கிற அந்த ஆத்மார்த்தமான ஈடுபாடு என்னதான் கெட்டிக்காரர்களாக இருந்தாலும் இன்னொருவருக்கு இருக்குமா?

உனக்கு தோசை வேணும்னா தோசை... இடியாப்பம்னா இடியாப்பம்! இப்போல்லாம் சிலசமயங்களில் சினிமா பாடலை விட விளம்பர பாட்டுக்கள் முப்பது வினாடிகள் வந்தாலும் பிரமாதமா இருக்கு

----------------------------------------------
குமுதம் பேட்டியில் இளையராஜா ..

ஜார்ஜ் கார்லின் ..

2005-06-28T07:10:00.000-07:00

ஜார்ஜ் கார்லின்
நான் பார்த்த முதல் stand -up act இவருடயது. இப்போ நிறய பார்த்த போதிலும், இவரின் எந்த நிகழ்ச்சியயும் விட்டு வைத்ததில்லை. நிறய புத்தகங்களும் எழுதி இருக்கிறார், எனக்கு பிடித்த அவரின் சில கருத்துக்கள்..இவை எல்லாம் தமிழில் மொழிபெயர்க்கும் திறமை எனக்கு இல்லை. உங்களுக்கும் பிடிக்கிறதா?

What year did Jesus think it was?
Why do the Dutch people have two names for their country, Holland and the Netherlands, and neither one includes the word Dutch?
Deep Throat: Think about it. There is actually a semi-important figure in American history who is named for a b***-job movie. How do school teachers handle this?
Religion easily has the best bullshit story of all time. Think about it. Religion has convinced people that there's an invisible man...living in the sky. Who watches everything you do every minute of every day. And the invisible man has a list of ten specific things he doesn't want you to do. And if you do any of these things, he will send you to a special place, of burning and fire and smoke and torture and anguish for you to live forever, and suffer, and burn, and scream, until the end of time. But he loves you. He loves you. He loves you and he needs money.
I have as much authority as the Pope. I just don't have as many people who believe it.
Have you ever noticed, in traffic, anybody going slower than you is an idiot, and anyone going faster than you is a maniac! "Would you look at this idiot? Take a look at this idiot right here, just creeping along... Woah, look at that maniac go!"
I go to bed early; my favorite dream comes on at nine.
Most people work just hard enough not to get fired and get paid just enough money not to quit.
"No comment" is a comment.

சொன்னாங்க..சொன்னாங்க..

2005-06-27T12:49:00.000-07:00

''எனக்கு சொத்துக்கள் எதுவும் பெரிதாக கிடையாது. ஜெயலலிதாவைப் போல இந்தியாவில் போதாது என்று வெளிநாடுகளிலும் சொத்துக்களை வாங்கிக் குவிக்கவில்லை'' (கருணாநிதி)

''இனி என் வாழ்க்கை ஜெயிலோடு முடிந்து போகும் என்றே நினைக்கிறேன். உங்களையெல்லாம் இனிமேல் சந்திக்க நான் உயிரோடு இருக்க மாட்டேன். என்னை இனிமேலாவது யாரும் செக்ஸ் சாமியார் என்று சொல்லாதீர்கள்'' (பிரேமானந்தா)

கவிதை தேடல்

2005-06-27T09:25:00.000-07:00

கவிதை தேடல்...
கவிதைன்னா என்னா ?
அது ரொம்ப "டீப் "
அப்ப நான் எழுதறது ?
அது ரொம்ப "டூப் "

ராம்ராஜன் பட கதாநாயகி போல எனக்குள் கவிதை தேடல் எப்ப ஆரம்பித்தது .. பள்ளியில் அப்போவே வகுப்பு நண்பன் கவிதை அது இதுன்னு ரொம்ப பிரபல்யம்.. ( அவன் இப்போ சினிமா பாடலாசிரியன் ந.முத்துகுமார் !)

சரி நாமும் எழுதலாம்ன்னு நண்பன் செளமியுடன் எழுதிய
முதல் கவிதை ( ?!?)
வைகாசி பொறந்த்தாச்சி ...
ஆம் !....
சித்திரை இறந்ததால் !!!!!

வைகாசி பொறந்த்தாச்சி படம் பியித்துகிட்டு ஓடிய காலம் அது... அப்பறம் நிறய எழுதி கிழிச்சோம் இதே மாதிரி... கருணாநிதி மலிவு மது கொண்டு வந்தப்ப ...

மலிவு விலை மது இப்போ ...
.மலிவு விலை மாது எப்போ ??

எழுதி எல்லோரும் கணடபடி திட்டவும், பொது தேர்வுகளாலும் கவிதை நின்று போனது...

நான் சேர்ந்த பாடாவதி அரசு பொறியியல் கல்லூரியில் அறை தோழன் , தமிழ் மன்ற தலைவரானது என் (அவன் ) விதி...
'
கவிதை நிறய படிக்கணும் என்றான் .. யாரை படிப்பது?

மேத்தா புது கவிதைக்கு தாத்தா
என்றார்கள்.. சரி .. அப்புறம் .. மீரா. அப்துல் ரகுமான் .. வைரமுத்து, மனுஷ்ய புத்திரன் ....ம்ஹ்ம்.... கடைசி வரைக்கும் கவிதைன்னா என்னா ? மரமண்டையில் ஏறவே இல்லை...

சுஜாதா கதையில் , தமிழை நேசிக்கும், கணவனோடு தமிழ் விவாதிக்க நினைக்கும் ஒரு இளவரசி , தமிழ் ஒரு வார்த்தை கூட தெரியாத தெலுங்கு அரசனை மணப்பது போல், என் மனைவிக்கு தமிழ் சுத்தமாய் எழுத , படிக்க தெரியாததால், கொஞச நாளாய் ஒளிந்திருந்த தேடல் , வலைபூக்கு வந்தவுடன் மீண்டும் ஆரம்பித்து விட்டது.

பாகிஸ்தானிடம் இந்தியா செமத்தியாய் கிரிக்கெடில் தோத்த ஒரு சோக நாளில் யோசித்த போது புரிந்தது இவ்வளவு தான் ...

தலைப்பு ரொம்ப முக்கியம்.. காதல், காதல் தோல்வி, விடுதலை , பொண்ணீயம்.....
தோன்றியது எல்லாம் , உரைநடையில் எழுதி கொள்ள வேண்டும்...
வ ரிக்கு 2,3 வார்த்தை என உடைத்து கொள்ள வேண்டும்
. நான், நீ, அவன், அவள், என்று வாக்கியத்தின் முதலில் வருவதை கடைசியில் மாற்ற வேணும்...
ஓ, ஆ, ஆமாம் , "!!!" "..." தோன்றிய இடத்தில் போட்டு கொள்ள வேண்டும்...

எனக்கு தெரிந்தது, புரிந்தது இவ்வள்வு தான் ... நல்லா தெரிஞ்சவங்க புரியறமாதிரி சொன்னா , புண்ணியம் நிச்சயம் உண்டு...

தமிழ் சினிமாவில் சென்ஸார் வெட்டிய காட்சிகள்....

2005-06-25T21:50:00.000-07:00

ஆயுத எழுத்துக்கு 6 கட்

நியூக்கு 12( அவ்வளவு தானா ? )

பாயஸ்க்கு 15 மேல

வேற ஒரு வலைபூ பார்த்துகிட்டு இருந்த போது நம்ம சென்ஸார் போர்ட் பற்றிய வலைதளம் கிடைததது. எல்லா படங்களை ப்ற்றியும், என்ன என்ன காட்சிகள் மறுக்க பட்டன, மாற்ற பட்டன என்ற முழு விவரம் இங்க இருக்கு. திரையில் பார்க்க முடியாமல் போன வசனம் , காட்சிகளின் விவரம் அறிய
இங்க
சொடுக்குங்கள்.
சென்ஸார் போர்ட் தேவையா என்பதே ஒரு விவாததிற்கு விஷயம்.. இவ்வளவு கெடுபிடி இருந்தும் இரட்டை அர்த்த வசனங்கள், மார்பு குலுக்கல்கள் , தொப்புளில் ஆம்லெட், கோலி, பம்பரம் எல்லாம்...

( சுஜாதாக்கு "கு*டி" வார்த்தை மேல அவ்வளவு இஷ்டமா ? ஆயுத எழுத்து, பாயஸ் - எல்லா படத்திலும் எழுதி இருக்கார் ? சென்ஸாரும் ஒவ்வொரு முறையும் கட் பண்ணி இருக்காங்க ... !!)

புகைபடம். - மெழுகு

2005-06-24T13:04:00.000-07:00

மெழுகு...

click on the image for a bigger version..

மரியா ஷரபோவாவும் நானும்....

2005-06-24T07:00:00.000-07:00

மரியா ஷரபோவாவும் நானும்....

அகில உலக கனவு கன்னி, தங்க தாரகை ( நிஜமாவே தங்க தாரகை , போடற ஷு தங்கதாலே செய்ததாம் ),
பற்றி வந்த இந்த தலைப்பு செய்தி இது,,,

"If you live in Japan, you will soon have a chance to lick Maria Sharapova's backside..."

நம்ப தமிழ் பத்திரிக்கை மாதிரி வந்து இருக்கும் செய்தி யை பார்த்து என்னவோ ஏதோன்னு போயி பார்த்தா ....

ஷரபோவாவுக்கு ஜப்பானல ஸ்டாம்பு விட்டு இருக்காங்களாம்.. ஆமா நம்ப தலைவருக்கு எப்ப ஜப்பானல ஸ்டாம்பு
விட போறாங்க ...

$24 மில்லியன் விளம்பர வருமான சம்பளமாம் வருஷத்துக்கு . உலகத்திலேயே அதிகம் வருமான உள்ள விளையாட்டு வீராங்கனை ஆயிட்டாங்க...

போன வருட கடைசியில் Los Angeles நடந்த இறுதி போட்டியில் செரீனாவை ஜெயித்ததை நேரில் பார்த்த போது அசத்தியது அவரது அசாத்திய உயரமும் போடும் சத்தமும் தான்.

ஷரபோவா ஆடும் போது போடும் சத்தம் ( grunts ) டெசிபல் அளவு ஒரு குட்டி விமானம் தரை இரங்கும் போது இடும் சத்ததிற்கு இணையாம். (அவங்க ஆடும் போது சத்ததை யாரு கவனிக்கிறங்க.. )

இவ்வளவு நாள் டென்னிஸ் ஆடியும் எனக்கு backhand சரியா வர மாட்டேங்குது.. நான் எப்போ அதை ஒழுங்கா ஆடி, எப்பொ மரியாவோட mixed -doubles ஆடறது .???

ஒரு நடிகையின் கல்யாணம்

2005-06-23T11:54:00.000-07:00

ஒரு நடிகையை ரசிகர்கள் திரும்பத் திரும்பத் திரும்பக் கேட்கும் கேள்வி - உங்கள் திருமணம் எப்போது?

இந்தக் கேள்விக்குச் சட்டென்று நடிகை பதில் சொல்லிவிட மாட்டார். ஸஸ்பென்ஸ்
ஒரு மர்மமான ஹிட்லர் மீசைக்காரர் எப்போதும் குறிப்பிட்ட நட்சத்திரத்தின் ஷ¥ட்டிங்கில் காணப்படுகிறார். அவர் யார்? நடிகையுடனே காரில் போவார். வருவார். படப்பிடிப்பின் போதும் உட்கார்ந்து கொண்டிருப்பார்.

அவர் நடிகரின் பி.ஏ.வா? மானேஜரா? முறைப் பையனா? காதலனா? கடன்காரனா...? என்று எல்லா ரசிகர்களும் உற்சாகமாக ஊகித்துக் கொண்டிருக்க நட்சத்திரம் சந்தர்ப்பம் தருவார்.
திருமணத்துக்குத் தேர்ந்தெடுக்கப்பட்ட அயல்நாட்டு புருஷன் (புய்யன் அல்ல புருஷன்) அனேகமாக பார்க்க லட்சணமாக இருப்பான். லட்சணம் இருக்கோ இல்லையோ, கோட் ஸ¥ட் நிச்சயம் உண்டு.

கல்யாணம் என்றைக்கு என்பது ரசிக மக்களின் அடுத்த ஆர்வம்...

அதை ஒரு ஸஸ்பென்ஸாக்கி, ஜவ்வு மாதிரி இழுப்பார் நடிகை. பெற்றோர் என்ற ஒரு ஜாதியினரின் எதிர்ப்பு இருப்பது போலவும், சம்மதத்துக்காகப் போராடுவது போலவும் சில அயிட்டங்களை வெளியிடச் செய்வார்கள்.

ரசிகர்களுக்கு ராத் தூக்கம் போச்சு. நடிகை கல்யாணம் நடக்குமா, நடக்காதா?

திடீரென்று ஆறுமாசம் ஒரு வருஷம் கழித்து நீ கல்யாணம் பண்ணிக் கொண்டாலென்ன, நாசமாய்ப் போனால் என்ன என்று ரசிகர்களுக்கு அலுப்பு ஏற்படும் சமயம்.

நடிகை தடாலென்று சென்னையில் ஒரு ஐந்து நட்சத்திர ஓட்டலில் 'திருமண வரவேற்பு' என்ற செய்தியைப் போட்டு உடைப்பார்.
இப்போது ரசிகர்களுடைய மண்டையை அடுத்தாற்போல் குடையும் கேள்வி. 'திருமணத்துக்குப் பின் நடிகை நடிப்பாரா?' நடிகருக்கு இந்தக் கேள்வி போடுவது கிடையாது. நடிகர் என்பவர் எந்தப் புயலடித்தாலும், எத்தனை கல்யாணம் ஆனாலும், நடித்துக் கொண்டிருப்பார்.
துரதிருஷ்டம் என்னவென்றால் பெரும்பாலான நடிகைகளால் ஆறு மாசத்துக்கு மேல் திருமண வாழ்க்கை நடத்த முடிவதில்லை.

விவாகரத்துக்கு ஆசைப்படுகிறார்கள். அந்தப் புருஷன் அமெரிக்கத் தொழிலதிபராக இருந்தாலும் சரி, அமெரிக்க பிரசிடெண்ட் புஷ்ஷாக இருந்தாலும் சரி. பிடிக்காமல் போய் விடுகிறது.

கணவன் மீது, அவன் தன்னை எப்படியெல்லாம் கொடுமைப்படுத்தினான் என்பதற்கு, விவாகரத்து வல்லுனர்களால் தொகுக்கப்பட்டு ரெட்ட ரெடியாக இருக்கும் விவாகரத்து Guideகளிலிருந்து காரணங்களைப் பொறுக்கி எடுத்து அறிக்கையாக விடுவார்கள்.

நடிகை இப்போது சுதந்திரப் பறவைதான். விட்ட இடத்தில் மறுபடி தொழில் செய்ய ஸ்டூடியோ வலம் வரத் தொடங்குகிறார்.

சே! என்னே ரசிகர்களின் தயாரிப்பாளர்களின், டைரக்டர்களின் ரசனை மாறுதல்.

ஆறு மாசத்துக்கு முன்னால் கனவுக்கன்னியாக, கவர்ச்சிப் பழமாக இருந்த நடிகையை அக்கா ரோலிலும் பாட்டி ரோலிலும் ஈவிரக்கமில்லாமல் தள்ளி விடுகிறார்கள்.
சின்னத் திரை இரு கை விரித்து (இருகை என்ன இரு நூறு கை) வந்தாரை வாழ்விக்கத் தொடங்குகிறது.

'நான் இப்போது சின்னத்திரையின் ராணியாக்கும்' என்பது போல செயற்கையான மதர்ப்புடன் நடிகை கொஞ்ச காலம் தள்ளுகிறார்.

பிறகு சின்னத் திரையிலும் மெதுவாக ஆயா வேஷம் அவரை நோக்கி வருகிறது.

இப்போது ரசிகர்கள் - மகா மறதிப் பேர்வழிகள் - 'இதை எங்கேயோ பார்த்த மாதிரி இருக்கிறதே!' என்கிறார்கள்

பின்னணியில் தான் இருந்து கொண்டு கவர்ச்சி விடுதி நடத்தத் தொடங்கி விடுவார். அவருக்கு அதிகபட்ச வேலை, வெற்றிலை பாக்கு புகையிலை குதப்பிக் கொண்டு எச்சிலை உமிழ்ந்து கொண்டு ரிஸப்ஷனிஸ்டாக இருப்பது. (பொதுபொதுவென்று சதை போடுமாறு பெருத்துக் கொள்வது ரொம்ப முக்கியம்.)

போலீஸ¤ம் சட்டமும் சும்மா இருக்குமா கையைக் கட்டிக் கொண்டு.

விபசார வழக்கில் நடிகையை புக் செய்வார்கள்.

அதை சுவாரசியமான செய்தியாகப் பத்திரிகைக்காரர்கள் பிரசுரிப்பார்கள்

'அழகி அபசாரா விபசார விடுதியில் கைது' என்று போடுவார்கள்.

ஆனால் தப்பித் தவறி அழகி அபசாரா படத்தைப் போட்டு விட்டால் அவ்வளவுதான். பெரீய மாமிச மலை மாதிரி கிங்காங்குக்கு கவுன் போட்ட மாதிரி இப்போது அழகி அபசாரா தோற்றம் தருவாள். அமெரிக்கத் தொழிலதிபரை மணந்த பேரழகி அபசாராவா இது? என்று ரசிகர்கள் மூக்கின் மீது விரலை வைத்து கண்ணை மறைத்துக் கொள்வார்கள். தோல்வியை துக்கத்தை மறக்கக் குடித்துக் குடித்து ஊதிவிட்டதாக அபசாராவின் காரியதரிசி கிசுகிசுக்கக் கூடும்.

அதற்குள் அழகி அபசாராவின் சொந்தப் பெண்ணோ, வளர்ப்புப் பெண்ணோ திரையில் புகுந்து இரண்டொரு படத்தில் தலை காட்டும்....

அவ்வளவுதான் - ரசிகர்கள் அபசாராவின் மகளைப் பற்றி அறிய ஆவலுடன் அபசாராவின் பெண் விபசாரா எப்படி நடிக்கிறாள், அம்மாவின் அளவு பெயரெடுப்பாளா என்று ஆவலாக இருப்பார்கள்.

ஸெட்டில் ஒரு ஆயாக் கிழவி அரைத் தூக்கத்தில் நாற்காலியில் சரிந்து கிடப்பாள்.

அவள்தான் மாஜிப் பேரழகி - அபசாரா. தற்கால விபசாராவின் தாயார் அபசாராதான். டயாபெடிக் வந்து சதையெல்லாம் கரைந்து எலும்பு ப்ளஸ் தோல் மட்டும்.

''பொண்ணு கெவுனிக்கிறதே இல்லே. அன்னாடம் சாப்பாட்டுக்கே கஷ்டம் நைனா. ஸெட்டுக்கு வந்தால் துன்ன ஏதாவது கிடைக்கும்னுதான் வர்ரேன். டைரக்டரையும் கண்டுகினு போலாம்னு குந்தியிருக்கேன்! தொழில் நடத்தவும் எல்லா இடத்திலும் தகராறுப் பண்றாங்க...''

அழகியைப் பார்த்தவர்கள் அவசரமாக வெளியேறுகிறார்கள்.

நீதி : சினிமா நடிகைகளுக்கு விவாகம் ஒரு சாபக்கேடு.

---------------------
பாக்கியம் ராமசாமி

வைரமுத்து கவிதை பார்முலா

2005-06-23T08:00:00.000-07:00

வைரமுத்து கவிதை பார்முலா

எங்கேயோ 5/6 வருடத்திற்க்கு முன்னால் படித்ததில் ஞாபகம் உள்ள சில வரிகள்...

பகுதி1:
ராஜா, தேவ , இதழ்,ராத்திரி , பேசிய, அழகு

பகுதி2 :முல்லை ,ரோஜா,மண ,ஜீவன் , மின்னல், பூகம்பம்

பகுதி3: காத்திறுக்கு, பூத்திறுக்கு, பார்த்திறுக்கு, விழித்திறுக்கு, சிரிச்சிறுக்கு,
பொழிஞ்சிறுக்கு, சேத்திறுக்கு, வேர்த்திறுக்கு

இப்போது பாடல் .. ஒரு வார்த்தை ஒவ்வரு பகுதியில் இருந்தும்..

அழகு மின்னல் காத்திறுக்கு
தேவ முல்லை சிரிச்சிறுக்கு
பேசிய ஜீவன் பார்த்திறுக்கு
ராஜா இதழ் வேர்த்திறுக்கு

அப்புறம் அங்கே இங்கே "வியர்வை" போட்டுகணும்....

இன்றைய புகைபடம்.. மாலை

2005-06-22T15:48:00.000-07:00

Click on the image for a bigger version...

இப்படியும் ரசிகர்கள்... தமிழ்நாடு உருப்படும்...

2005-06-21T12:53:00.000-07:00

நடிகர் விஜயகாந்தின் அரசியல் கட்சி அறிவிப்பு மாநாடு நடைபெறவுள்ள மைதானம் ரசிகர்களின் 'புண்ணிய பூமி'யாக மாறியுள்ளது.

வரும் செப்டம்பர் 14ம் தேதி மதுரை திருநகர் அருகே உள்ள தோப்பூரில் ரசிகர் மன்ற மாநில மாநாட்டை நடத்துகிறார் விஜயகாந்த். அன்றே தனது அரசியல் கட்சி குறித்த அறிவிப்பையும் அதிகாரப்பூர்வமாக அறிவிக்கவுள்ளார்.

தோப்பூர் பகுதியில் 70 ஏக்கர் நிலம் மாநாடு நடத்துவதற்காக தேர்வு செய்யப்பட்டுள்ளது. அந்த இடத்தை சமப்படுத்தி, சுத்தம் செய்யும் பணி தொடங்கியுள்ளது. புல்டோசர்கள் உதவியுடன் இந்தப் பணி நடக்கிறது.

இந்த இடத்திற்கு இப்போதே ரசிகர்கள் வரத் தொடங்கி விட்டார்கள். தினமும் ஏராளமான ரசிகர்கள் வந்து மைதானத்தைப் பார்வையிட்டுச் செல்கிறார்கள்.

சுத்தப்படுத்தும் பணியைத் தொடர்ந்து பூமி பூஜை நடத்தப் போகிறார்களாம். அதிலும் விஜயகாந்த் கலந்து கொள்ளவாராம்.

இதைக் கேள்விப்பட்டு மைதானத்தைப் பார்வையிட தினமும் ஏராளமான ரசிகர்கள் வந்து செல்ல ஆரம்பித்துவிட்டனர். ரசிகர்களில் சிலர் கொஞ்சம் ஓவராகவே உணர்ச்சிவசப்பட்டு மண்ணை எடுத்து நெற்றியில் பூசிக் கொள்கின்றனர் (நாடு உருப்படும்).

ஏதோ, இது புண்ணிய ஸ்தலம் மாதிரியும் இவர்கள் ஏதோ பக்தர்கள் போலவும் நடந்து கொள்வதைப் பார்த்தால் மண்டை காய்கிறது.

மாநாட்டையொட்டி பிரமாண்டமான ஏற்பாடுகளும் தொடங்கி விட்டன. மதுரை நகரின் பல்வேறு சுவர்களில் விஜயகாந்தின் படங்கள் வரையப்பட்டு மாநாடு குறித்த அறிவிப்புகள் எழுதப்பட்டு வருகின்றன. பல இடங்களில் விஜயகாந்தின் கட்அவுட்களும் இப்போதே வைக்கப்பட்டுள்ளன.

திருப்பரங்குன்றத்தில் விஜயகாந்த்தின் ராட்சத பேனரும், கட் அவுட்டும் வைக்கப்பட்டுள்ளது. அந்த பேனரில் காமராஜர், எம்.ஜி.ஆர்., விஜயகாந்த் ஆகியோரின் படங்கள் இடம் பெற்றுள்ளன.

இதற்கு ரசிகர்கள் புது விளக்க¬ம் அளிக்கின்றனர். அன்புக்கு காமராஜர், அறத்துக்கு எம்.ஜி.ஆர், ஆற்றலுக்கு விஜயகாந்த் என்று வியாக்கியானம் சொல்கின்றனர் விஜய்காந்தின் ரசிகர்கள்.

அண்ணா சொன்ன கடமை, கண்ணியம், கட்டுப்பாடு வசனத்தையே போலவாம் இதுவும்.

விஜய்காந்த் அரசியலுக்கு வருவதற்கு முன்பே ரசிகர்களின் நெத்தியில் மண்ணு..

அப்ப, வந்துட்டா..?

----
thatstamil.com

கைப் யோஹானா சண்டை

2005-06-21T09:36:00.000-07:00

கைப் யோஹானா சண்டை

எங்கும் எதிலும் sledging (தமிழாக்கம் என்ன? வாய் சண்டையா? )
ஏன் எல்லாரும் ஆசித்திரேலியாவெய் மட்டும் குறை சொல்லுகிறார்கள் ?
அவர்கள் எப்போதும் வெல்வதாலா? ( இப்போ இங்கிலாந்து கவுண்டியிடம்
தோற்றது வேறு விசயம் !! )
இதில் ·கைப், யோஹானாவின் தாய் , சகோதரிக¦ளை இழுக்காதது பெரிய விசயம் தான் !
வெறும் வாய் அசைப்பில் தொலைகாட்சில் sledging சில சமயம் பார்க்கும்,
Steve Waugh, mental disintegration என்று சொன்னது புரிந்தது.

கீழே சொடுக்குங்கள் அல்லது தலைப்பை சொடுக்குங்கள்.
LINK

(பின்குறிப்பு. இந்த காட்சியின் ஆங்கில/தமிழ் உரையாடலுக்கு
காங்கிரஸ் தலைவர் இள்ங்கோவனை அணுகவும் ..
சண்டைக்கு வராதீங்க !!! )

இன்றைய புகைபடம் .. அந்தி மாலை

2005-06-20T14:15:00.000-07:00

அந்தி மாலை

Click on the image for a bigger version.

அண்டங்காக்கா கொண்டைகாரியும் Ctrl-C Ctrl -V

2005-06-20T09:36:00.000-07:00

அண்டங்காக்கா கொண்டைகாரி எந்த பழைய பாடலில் இருந்து காப்பி அடிக்கபட்டது தெரியுமா ?

Click Here for Copy
Click Here for Orginal

காப்பி அடிப்பது ஒன்றும் புதிது அல்ல. பள்ளியில், கல்லூரியில், ஏன் அலுவலகத்திலும் . internet ல் கிடைக்காது எதுவும் இல்லை என்று ஆகிவிட்டது. சினிமா பாடல்கள், படங்கள் மட்டும் விலக்கா என்ன?
ரிஷிமூலம், நதிமூலம் பார்க்க் கூடாது என்பார்கள்,
( இப்போ நதிகளும் ரிஷிகளும் சொல்லிக்கொள்ளும் படியாக இல்லை. )
சில சினிமா பாடல்களின் மூலங்கள் பார்க்க ..

ஈ அடிச்சான் காப்பிகள்

plagiarism பற்றி நல்ல பதிவு இனயைத்தில் இருந்து காப்பி அடித்து இதை பற்றி எழுதி விடலாம் என்று எனக்கு வந்த எண்ணத்தை என்ன செய்ய ?

சூரிய அஸ்தமனம்

2005-06-18T17:13:00.000-07:00

சூரிய அஸ்தமனம்

கேப்டனும் மேஜரும்...

2005-06-18T07:30:00.000-07:00

தமிழ் சினிமா நடிகர்களுக்கு வழங்கபடும் பட்ட பெயர்கள் வினோதமானவைகள்.நடிகர் திலகம் , மக்கள் திலகம் இவையாவது பரவாயில்லை.அது என்ன "மேஜர்" சுந்தர ராஜன், "கேப்டன்" விஜயகாந்த் ? நாட்டுக்காய் போரிட்டார்கள் இவர்கள் எல்லாம் ? ( டாக்டர் பட்டம் பற்றி பேசி அரசியல்வாதிகளிடம் ஆசிட் வாங்க வேண்டாம் !)
மேஜராவது பராவாயில்லை.. கேப்டன் பத்வி தான் பாவம் இப்போது ..
கங்கூலி ரன் அடிப்பரா , விஜயகாந்த் கட்சி ஆரம்பிப்பாரா என்று கேள்விகள் பல...

சனிகிழமைகளில் மனைவியிடம் திட்டு வாங்கி ஆடும் லோக்கல் tennis ball கிரிக்கெட் கேப்டன் பதவியாவது
பறிக்க முடியுமா என்று பார்க்க வேண்டும் நான்...அப்படியாவது கொஞ்சம் நிறைய பேட்டிங் கிடைக்கும்..

( "TopGun" Tom நடிதத War of the worlds விட , "Gladiator" Crow நடித்த Cinderlla man விட
"Body" Brad Pitt நடிதத Mr &Mrs Smith நன்றாய் ஓடுதாம்.. ம்ஹ¤ம்.. என்க்கு சரியாய் பட்டம் கொடுக்க
தெரியல )

------
வருங்கால கேப்டன் ஆனந்த்...

காஞ்சிபுரத்தான்...

2005-06-17T12:30:00.000-07:00

இப்போதெல்லாம் நான் காஞ்சிபுரத்தில் இருந்து வந்தவன் என்று சொல்வதற்கே பயமாய் இருக்கிறது. சங்கர மட கொலை, கைது, ஜாமீன் என தினம் ஒரு செய்தி காஞ்சி புரம் பற்றி... அலுவலக்கதிலும், தொல்லை
பேசியில் அழைத்த நண்பர்களும் செய்த அலும்பல்களும் தாங்க முடியவில்லை.. ( ச்த்தியமாய் நான் சொர்ணமால்யா வை நேரில் பார்த்து இல்லைங்க.. நம்புங்க... )
நீங்கள் யாராவது காஞ்சிபுரத்தவரா ? எப்படி சமாளிக்கிறீர்கள் ??
பள்ளியில் படிக்கும் போது, ஏதோ பரிசு வாங்க, மடத்திற்கு சட்டை இல்லாமல் சென்று ( இந்த Arnold உடம்போடு )
குங்குமம், கல்கண்டுடன் சான்றிதழ் பெற்ற நினைவும், புகைபடமும் ஞாபக்கதிற்கு வருகிறது இதை எழுதும் போது..

மியாந்தாத் பையனும் தாவூத் இப்ராகிம் பொண்ணும்

2005-06-17T08:17:00.000-07:00

மியாந்தாத் பையனும் தாவூத் இப்ராகிம் பொண்ணுக்கும்

கல்யாணமாம். கஷ்டம்.. மியாந்தாத் அடிதத கடைசி பால்
சிக்ஸரும் தாவூத் வைத்த கடைசி குண்டும் என்றும் மறக்காது,
இவங்க ரெண்டு பேரும் ஒன்னாய் சேர்ந்து என்ன அழிச்சாட்டியம்
செய்ய போறாங்களோ ..
( ஆமாம்.. சேத்தன் ஸர்மா என்ன செய்யரார் இப்போ?
கோச்சாய் மாறாமல் இருந்தால் சரி ! )

டைகர் வேட்டை ?

2005-06-17T06:50:00.000-07:00

டைகர் பட்டோடி

இவருக்கு எப்படி இந்த டைகர் பேர் வந்தது ? டைகர் பேர் இருக்கிறதால் வேட்டை ஆட கிளம்பிட்டாரா? அவரு பிள்ளை ஏற்கனவே இந்த மாதிரி வேட்டை விவகாரத்தில் மாட்டினாரே ? அது என்ன ஆச்சு? என்னவோ நடக்குது நாட்டுல ...காட்டுல ? (சரியா மாயவரதான் ?)

நள்ளிரவில் ரஜினி தந்த பரிசு

2005-06-16T22:39:00.000-07:00

ஐயா எனக்கு நல்ல பேர் தந்தது. சந்திரமுகியில் ரஜினிக்கு ஜோடியாக நடிக்கிறீர்களா என்றதும் உடனே சரின்னுட்டேன்.

ரஜினி சார் ரொம்ப சிம்பிள். அன்பானவர். டிசம்பர் 25-ந் தேதி ரஜினிசாருடன் ஷுட்டிங்கில் இருந்தேன். கிறிஸ்துமஸ் கொண்டாட முடியலியென்னு வருத்தம்.

நள்ளிரவு 12 மணிக்கு எனக்கு ரஜினியிடம் இருந்து ஒரு பார்சல் வந்தது. பிரிச்சு பார்த்தால் கேக், இனிப்பு மற்றும் அழகான சேலை. மறக்க முடியாத கிறிஸ்துமஸ் அது.

இப்போது சந்திரமுகியும் பிரமாதமாக ஓடுவதால் எனக்கு இரட்டை சந்தோசம்.

நயனதாரா --- மாலைமலர்.

இன்று நான் கண்ட பூகம்பம் !

2005-06-16T16:37:00.000-07:00

இன்று மதியம் 2 மணிக்கு திடீரென நாற்காலி மேசை எல்லாம் ஆட்டம் போட ஆர்ம்பித்து விட, நான் ஏதோ மதிய தூக்கத்தில் கனவு போல என்று நினைத்தேன். பக்கத்தில் இருப்பவர் எல்லாம் எழுந்து ஓட ஆரம்பிக்கும் போது தான், பூகம்பம் என்று புரிந்தது. கலிபோர்னியாவில் இது சகஜம் -பா என்றாலும், சுனாமி பயம் இன்னும் போகவில்லை ..
5.3 அதிகம் சேதம் இல்லை என்பது நல்ல செய்திதான்....

வேகம்.....

2005-06-16T09:25:00.000-07:00

ஒருநாலு வரி தமிழில் எழுத ( தட்டச்சு ்செய்ய ) முடிவதற்குள் நு ரை தப்பி, முச்சு வாங்கி, தாவு தேர்ந்து விடுகிற்து. மற்றவர்கள் எப்ப்டிதான் பக்கம் பக்ககமய் எழுதுகிறார்கள். வெறும் தட்டச்சு வேகம் மட்டும் தானா இல்லை வேறு மந்திரம் தந்திரம் இருக்கா? சொல்லுங்கப்பா ...

லண்டன்

2005-06-16T07:08:00.000-07:00

வேறு பொழுது போகாததால் கடைசியாய் போன வார இறுதியில் பார்த்த படம்.
என்ன ஒரு பாடவதி படம்.
Fish called Wanda வை கொலை செய்து ஒரெ அபத்தம். பாவம் Kevin Kline.
Oscar வாங்கினார். பிரஷாந்தை பார்த்து பயந்திருப்பார்.

எனக்கு நடிக்கவராது: ஜெயலலிதா

2005-06-15T14:00:00.000-07:00

'உலகமே ஒரு நாடக மேடை, இதில் இருப்பவர்கள் எல்லாம் எப்போதும் நடித்துக்கொண்டே இருக்கிறார்கள். நான் மட்டுமே போலித்தனமில்லாமல் இருக்கிறேன்'- பி.பி.சி. தொலைக்காட்சிக்கு வழங்கிய பிரத்தியேக செவ்வியில் தமிழக முதல்வர் ஜெயலலிதா

Seithigal

2005-06-15T13:55:00.000-07:00

பெண் தன்னைப் பாலியல் வல்லுறவு செய்தவரையே மணம் புரிய வேண்டும் - இந்தியாவில் தீர்ப்பு பற்றி விசாரணை
இந்தியாவில் தனது மாமனாரால் பாலியல் வல்லுறவுக்கு உட்படுத்தப்பட்ட ஒரு பெண், தன்னை வல்லுறவுக்கு உட்படுத்திய மாமனாரையே திருமணம் செய்ய வேண்டும் என்று அங்குள்ள முஸ்லிம் சமூகத்தினர் குழு ஒன்று உத்தரவிட்டுள்ளது.
உத்தரப்பிரதேசத்தில் நடந்த இந்த சம்பவம் அந்தக் குழுவின் கவனத்துக்கு வந்தபோது, அந்தக் குழுவினர், அந்தப் பெண் தனது கணவனை மகனாக நினைத்து, மாமனாரை திருமணம் செய்ய வேண்டும் என்று கூறியுள்ளனர் என்று செய்திகள் தெரிவிக்கின்றன.

2005-06-13T09:46:00.000-07:00

Some wild flower

2005-06-10T09:35:00.001-07:00

Candle from the top !

2005-06-10T09:35:00.000-07:00

Candle in the wind